अखबार नेपाल ट्रेन्डिङ

एजेन्सीः स्पेनिस ला लिगामा रियल मड्रिडले भ्यालेन्सियामाथि सहज जित निकालेको छ । बिहिबार राति भएको खेलमा रियलले भ्यालेन्सियामाथि ३–० को जित निकालेको हो । पहिलो हाफ गोल रहित बराबरीमा सकिएपनि दोस्रो हाफमा रियल गोल थपेको हो । बेन्जिमाले ६१औं मिनेटमा रियललाई अग्रता दिलाएका थिए । ईडेन हजार्डले उपलब्ध गराएको पासमा बेन्जिमाले रियललाई अग्रता दिलाएका थिए ।

मार्को एसेन्सियोले ७४औ मिनेटमा रियलको अग्रता दोब्बर बनाउने काम गरे । ८६ औं मिनेटमा बेन्जिमाले भलीमार्फत ब्यक्तिगत दोस्रो गोल गर्दै रियललाई सहज जित दिलाए । यससँगै बेन्जिमा रियालका लागि सर्वाधिक गोल गर्ने पाँचौ खेलाडी सिमेत बनेका छन् । उनको कुल गोल संख्या २ सय ४३ पुगेको छ । रियालका लागि सबैभन्दा बढी गोल गर्नेको पहिलो नम्बरमा ४ सय ५० गोलका साथ क्रिष्टियानो रोनाल्डो छन् भने दोश्रो नम्बरमा ३ सय ४३ गोल गर्ने राउल छन् । यस्तै तेश्रो नम्बरमा ३ सय ८ गोल सहित अल्फ्रेडो डी स्टेफानो छन् भने चौथोमा २ सय ९० गोल संख्याका साथ सान्टिलान्ना छन् ।

जितसँगै रियालले लिगको शिर्ष स्थनमा आसिन बार्सिलोनासँगको अंक दुरी २ मा झारेको छ । बार्सिलोनाको २९ खेलमा ६२ अंक छ भने रियलको समान खेलमा ६२ अंक भएको छ । यस्तै हार ब्यवहोरेको भ्यालेनिसयाको समान खेलमा ४३ अंक सहित ८औं स्थानमा छ ।