अखबार नेपाल ट्रेन्डिङ

एजेन्सीः साफ च्याम्पियनसिपमा आयोजक तथा साविक विजेता घरेलु टोली माल्दिभ्सले साफ च्याम्पियनसिप -२०२१ मा पहिलो जित हात पारेको छ ।

राउण्ड रोविन अन्तर्गत आफ्नो दोस्रो खेलमा माल्दिभ्सले बंगलादेशलाई ३-० ले पराजित गरेको हो ।

राजधानी मालेस्थित नेशनल स्टेडियममा बिहीबार राति भएको खेलमा माल्दिभ्सलाई जित दिलाउन हाम्जा मोहमेद र अलि अस्फाकले गोल गरे ।

पहिलो हाफ गोलरहित बराबरमिा सकिएको खेलमा माल्दिभ्सले दोस्रो हाफमा अग्रता लिदै दुवै गोल गरेको हो ।

खेलको ५५ औं मिनेटमा हाम्जाले बाइसाइकल किक मार्फत उत्कृस्ट गोल गर्दै माल्दिभ्सलाई अग्रता दिलाएका थिए ।

७४ औं मिनेटमा पाएको पेनाल्टीको मौकलाई अस्फाकले नचुकी गोल गर्दै माल्दिभ्सलाई २-० को अग्रता बनाएका थिए ।

पहिलो खेलमा नेपालसँग पराजित भएको माल्दिभ्सले बंगलादेशलाई हराएपछि २ खेलबाट ३ अंक जोडेको छ ।

३ खेल खेलिसकेको बंगलादेशको एक जित, एक बराबरी र एक हारपछि ४ अंक छ ।

लगातार दुई खेल जितेको नेपाल ६ अंकसहित शीर्ष स्थानमा छ ।

बंगलादेश दोस्रो र माल्दिभ्स तेस्रो स्थानमा छ ।

यस्तै २ खेलबाट दुई बराबरी सहित २ अंक जोडेको भारत चौथो स्थानमा रहेको छ ।

साफ च्याम्पियनसिपमा ३ खेलबाट १ अंक जोडेको श्रीलंका पुछारमा छ ।

श्रीलंका साफ च्याम्पियन्ससिपको फाइनल होडबाट बाहिरिसकेको छ ।

अब नेपालले तेस्रो खेल आइतबार भारतसँग खेल्दैछ ।

उक्त खेल जितेमा नेपाल एक खेल अगावै अंक तालिकामा शिर्ष स्थानमा रहदै फाइनल पुग्नेछ ।

नेपालले बंगलादेशसँग अन्तिम खेल खेल्ने तालिका रहेको छ ।

यो पनि पढ्नु होस्ः

स्पेनले ३७ खेलसम्मको अपराजित इटालीलाई पूर्णविराम दियो