अखबार नेपाल ट्रेन्डिङ

काठमाडौं:   बागमति प्रदेशभित्र संचालन हुने सार्वजनिक यातायातको भाडा वृद्धि भएको छ । बागमति प्रदेश सरकारको मन्त्रीस्तरीय निर्णयअनुसार कात्तिक १ गतेदेखि लागू हुने गरी प्रदेशभित्र संचालन हुने सार्वजनिक यातायातको भाडा वृद्धि भएको हो ।

बागमति प्रदेशको भौतिक पूर्वाधार विकास मन्त्रीले कात्तिक १ देखि लागू हुने गरी बागमति प्रदेशभित्र लागू हुने गरी साबिकको दररेटमा २३ प्रतिशतसम्म वृद्धि हुने गरी सार्वजनिक सवारीको भाडा बढाउने निर्णय गरेका हुन् ।

साथै प्रदेश सरकारले काठमाडौं उपत्यकाको हकमा छुट्टै भाडादर लागू गरेको छ । प्रदेशले बढाएको नयाँ भाडादर अनुसार अब काठमाडौं उपत्यकामा यात्रा गर्ने यात्रुले अधिकतम ३५ रुपैयाँसम्म भाडा तिर्नुपर्नेछ ।

उपत्यकामा यात्रा गर्ने यात्रुले २० किलोमिटरभन्दा बढीको दूरी यात्रा गर्दा ३५ रुपैयाँसम्म भाडा तिर्नुपर्ने नियम कात्तिक १ गतेबाट लागू हुने भएको हो । काठमाण्डौमा २० किलोमिटरसम्मको दूरीमा यात्रा गर्नेले ३० रुपैयाँसम्म, १५ किलोमिटरसम्म यात्रा गर्नेले २७ रुपैयाँसम्म, १० किलोमिटरसम्म रु. २३ र ५ किलोमिटरसम्म रु १८ रुपैयाँ भाडा तिर्नुपर्नेछ ।

यसरी हेर्दा उपत्यकामा समेत सबैभन्दा छोटो दूरीको यात्रा गर्नेले कम्तीमा १८ रुपैयाँ भाडा तिर्नुपर्ने भएको छ । यसअघि काठमाण्डौ उपत्यकामा सार्वजनिक यातायातका साधन प्रयोग गर्दा सबैभन्दा कम १५ रुपैयाँ तिर्नुपथ्र्यो भने सबैभन्दा बढी २० रुपैयाँ लाग्थ्यो ।

यो पनी पढ्नुहोस् :

स्पेनले ३७ खेलसम्मको अपराजित इटालीलाई पूर्णविराम दियो