फ्रेन्च लिग वानमा आइतबार रातिको खेलमा पीएसजी विजयी
नेयमारकाे गाेल
वि.सं.२०७८ असोज ४ सोमवार १२:३९
एजेन्सीः फ्रेन्च लिग वानमा आइतबार रातिको खेलमा पीएसजीले लियोँलाई २–१ गोल अन्तरले हराएको हो ।
फ्रेन्च लिग वानमा लियोनल मेसी सम्मिलित पेरिस सेन्ट जर्मेन (पीएसजी)को लगतार लिगमा यो छौटौं जित हो ।
पिएसजीको जितमा नेयमार र इकार्डीले एक एक गोल गरे ।
लियोँका टोलेन्टिनो कोएल्हो डे लिमाले एक गोल फर्काएका थिए ।
तर खेलमा मेसीले गोल गर्न सकेनन् ।
पहिलो हाफमा उनको प्रहार पोस्टमा लागेर फर्किएको थियो भने गोलकिपर एन्थोनी लोप्सले समेत राम्रो बचाउ गरेका थिए ।
त्यतिमात्र हैन पिएसजीको घरेलु मैदानमा पहिलो पटक उनी उत्रिएका थिए ।
त्यो खेलमा गोल गर्न नसक्दा उनका फ्यान निराश भए ।
दोस्रो हाफमा मैदान बाहिरा जानु पर्दा मेस्सीले केही चित्त दुखाएको भान भएको थियो ।
त्यो भन्दा पनि चित्त मेसीले आफुले नै दुखाए ।
त्यसको कारण हो उनी दोस्रो हाफमा मैदान बाहिर जानु प¥यो ।
७६ औं मिनेटमा मैदानबाट बाहिर निस्कदै गर्दा उनी प्रशिक्षक मौरिसियो पोचिटिनोको निर्णयमा असन्तुष्ट देखिए ।
प्लेयर बक्समा पुगेर पनि उनी निराश देखिए ।
यसै सिजन स्पेनिश क्लब बार्सिलोना छाडेर पीएसजी आएका ३४ वर्षे मेसीले पिएसजीबाट तीन खेल खेलेका छन् ।
पिएसजी लिगमा ६ खेलबाट शतप्रतिशत जितसहित १८ अंकबाट शीर्ष स्थानमा छ ।
तर मेसीको चिन्ता कायमै छ ।
मेसीलाई दोस्रो हाफमा निकालेको बारेमा प्रशिक्षक पोचिटिनोले उनले भनेका छन्, ‘हामी उनलाई सुरक्षा राख्न चाहन्छौं ।
त्यसो भनेको उनलाई सम्भावित चोटबाट बचाउन चाहन्छौं ।
हाम्रो अगाडि अझै पनि धेरै महत्त्वपूर्ण खेल रहेका छन् ।
यी सबै खेलमा मेसीको आवश्यकता हुनेछ, त्यसैले हामी उनको सुरक्षालाई लिएर चिन्तित छौं ।’
पिएसजीले अब च्याम्पियन्स लिग खेल्नेछ ।
जसलाई जित्नु नै उसको लक्ष्य हो ।
मेसीको प्रयोग बढी च्याम्पियन्स लिगमा हुनेछ ।
मेसी छ पटकका बालोन डे’ओर विजेता हुन् ।
यो पनि पढ्नु होस्ः
विश्वकप क्रिकेट लिग-२ अन्तर्गत आज नेपाल र अमरिकाबीच प्रतिष्पर्धा हुँदै
वि.सं.२०७८ असोज ४ सोमवार १२:३९