अखबार नेपाल ट्रेन्डिङ

एन्फाः विश्व फुटबलको सर्वाच्चो निकाय फिफाले अन्तर्राष्ट्रिय क्यालेन्डरमा गर्न लागेको परिमार्जनमा अखिल नेपाल फुटबल संघ (एन्फा)ले समर्थन गर्ने भएको छ ।

एन्फा सहित बंगलादेश फुटबल फेरेडेसन (बीबीएफ)ले पनि विश्व फुटबलको सर्वाच्चो समर्थन जनाउने भएकाे छ ।

फुटबल एसोसिएसन अफ माल्दिभ्स (एफएएम) र फुटबल फेरेडेसन अफ श्रीलंकाले संयुक्त रूपमा विज्ञप्ति निकाल्दै क्यालेन्डर परिमार्जन गर्ने भन्ने कुरामा आफूहरूको समर्थन रहेको जनाएका छन् ।

फिफाले हरेक दुई वर्षमा महिला तथा पुरुष फुटबलको विश्वकप गर्ने भनी क्यालेन्डर परिमार्जन गर्न लागेको हो ।

त्यस्तै, फिफाले युवा फुटबल विकासका लागि ध्यान दिन चार देशका अध्यक्षहरूले आग्रह गरेका छन् ।

नेपाल, श्रीलंका, माल्दिभ्स र बंगलादेश फुटबलले पनि अन्तर्राष्ट्रियस्तरको फुटबलमा सहभागिता जनाउन सक्ने खालको क्यालेन्डरमा परिमार्जन गर्नुपर्ने उनीहरूको माग छ ।

साउदी अरेबियाले फुटबलको आधुनिकीकरण र युवा फुटबलको विकाससँगै हरेक दुई वर्षमा विश्वकप फुटबल गर्नुपर्ने माग गरेको थियो ।

जसमा फिफाको ७१औँ कंग्रेसमा १६६ सदस्य राष्ट्रले समर्थन जनाएका थिए ।

२२ सदस्य राष्ट्र प्रस्तावको विपक्षमा रहेका थिए ।

यो पनि पढ्नु होस्ः

नयाँ वरीयता अनुसार राष्ट्रिय क्रिकेट टिमको वरियता खस्किएको छ