अखबार नेपाल ट्रेन्डिङ

एजेन्सीः समर ट्रान्सफरमा पेरिस सेन्ट जर्मेन (पिएसजी) छाड्ने इच्छा व्यक्त गरिरहेका केलियन एम्बाप्पे विन्डो ट्रान्सफर सम्मा पिएसजीमै रहने भएका छन् ।

समर ट्रान्सफर आज मंगलवार देखि बन्द हुदैछ ।

समर ट्रान्सफर बन्द भए पनि रियल मड्रिड जाने आश मारिनसकेको अन्तर्राष्ट्रिय सञ्चार माध्यमहरुले उल्लेख गरेका छन् ।

समर ट्रान्सफरमा पिएसजीसँग सहमती जुट्न नसकेपछि एम्बाप्पेलाई भित्राउने छलफल बन्द गर्न रियल मड्रिडका अध्यक्ष फ्लोरेन्टिनो पेरेजले सोमबार निर्देशन दिएका थिए ।

पिएसजीले एमबाप्पेको मूल्य एक सय ७० मिलियन युरो निर्धारण गरेको छ ।

यही मुल्यमा सहमति जुट्न नसकेपछि रियल पछाडि हटेको बुझिएको छ ।

पिएसजी र एमबाप्पे बिचको सम्झौता आगामी वर्ष सकिने भएकाले रियलसामु अर्को सिजन फ्रि ट्रान्सफरमा एमबाप्पे भित्राउने अवसर छ ।

तर पिएसजीले ट्रान्सफर मुल्य घटाएर यसै सिजन आफुलाई रियल पठाउने आशा एमबाप्पेले बाँकी नै राखेका अन्तर्राष्ट्रिय सञ्चार माध्यमहरुको दाबी छ ।

स्पेनिस अखबार मार्काका अनुसार रियल म्याड्रिड एमबाप्पेलाई यसै सिजन क्लब भित्राउन चाहन्छ ।

तर आगामी सिजन नै एम्बाप्पे फ्रि ट्रान्सफरमा जाने भएकाले यो सिजन उनलाई बेच्नु पिएसजीका लागि फाइदा जनक हुनेछ ।

एमबाप्पेले करार लम्ब्याउन पिएसजीले गरेका सबै प्रस्तावहरु अस्वीकार गरेका छन् ।

पिएसजीले लियोनल मेस्सीलाई भित्राए लगत्तै एम्बाप्पेले क्लब छाड्ने मनस्थिति बनाएका हुन् ।

उनी यो सिजन पनि उच्च लयमा छन् ।

उनले घरेलु लिगमा चार खेलमा ३ गोल र दुई असिस्ट गरेका छन् ।

क्रिष्टियानो रोनाल्डोले छाडेयता रियल मड्रिड भरोसा योग्य स्ट्राइकरको खोजीमा छ ।

यो पनि पढ्नु होस्ः