अखबार नेपाल ट्रेन्डिङ

एजेन्सीः युइएफए कन्फेरेन्स लिग अन्तर्गत छनोटको प्लेअफमा इंग्लिस क्लब टोटनहम हट्सपर पराजित भएको छ ।

ईङ्गलिस प्रिमियर लिगमा उत्कृष्ट शुरुवात गरेको टोटनहम हट्सपर पोर्चुगिज क्लब पाकोस डे फरेरासँग १-० ले पराजित भएको छ ।

नयाँ सिजन प्रिमियर लिगको पहिलो खेलमा डिफेन्डिङ च्याम्पियन म्यान्चेस्टर सिटीलाई पराजित गरेको थियो ।

टोटनहमले दोस्रो रोजाइको टोली मैदान उतार्दा पाकोस फरेरासँग पराजित हुन पुग्यकाे हाे।

दोस्रो रोजाइको टोटनहम हट्सपरका खेलाडीले पाकोस विरुद्ध गोलका लागि कुनै अवसर बनाउनै सकेन ।

पाकोसको घरेलु मैदानमा भएको खेलमा पहिलो हाफको अन्तिम मिनेटमा गोल भएको थियो ।

युइएफए कन्फेरेन्स प्लेअफ खेलमा पाकोसको खेलाडी लुकास शिल्भाले एक मात्र गोल गरे ।

नुनो सान्तोसको पासमा लुकास शिल्भाले गोल गर्दै खेलमा अग्रता लिएका थिए ।

अन्तिम समय सम्म थप अरु गाेल नहुदा खेलमा यो गोल नै निर्णयक बन्यो ।

टोटेनहमले विंगर ब्रायन गिल, डिफेन्डर क्रिस्टियन रोमेरो र गोलरक्षक पिएरलुइजी गोलिनी लगायत खेलाडीलाई पहिलो रोजाइमा खेलाएको थियो ।

टोटनहमले अब कन्फेरेन्स लिग खेल्नका लागि दोस्रो लेगमा जित हात पार्नु पर्ने दबाब बढेकाे छ ।

अब दोस्रो लेग अगष्ट २६ मा इङग्ल्यडमा टाेटेनहम हट्सपरकाे मैदानमा हुनेछ ।

दुई लेगको खेलपछि समग्रमा विजेता हुने टोली युरोपा कन्फेरेन्स लिगको समूह चरणमा छनोट हुनेछ ।

अबकाे दाेस्राे लेगमा टाेटेनहम हट्सपरले पक्कै पनि पिहलाे राेजाइकाे टाेली उतार्ने  छ ।

यो पनि पढ्नु होस्ः कराँतेका स्वर्ण पदक विजेता कृण्णबहादुर राईको निधन भएको छ