अखबार नेपाल ट्रेन्डिङ

काठमाडौँः कराँतेका स्वर्ण पदक विजेता कृण्णबहादुर राईको निधन भएको छ ।

आठौं दक्षिण एसियाली खेलकुद (साफ)मा नेपालको लागि पुरुष टिम काता तर्फको विधामा राईले स्वर्ण पदक जितेका थिए ।

राष्ट्रिय तथा अन्तर्राष्ट्रिय खेलाडी संघका अध्यक्ष तथा पुर्वकराँते खेलाडी दीपक श्रेष्ठले राईको निधन भएको बताए ।

श्रेष्ठका अनुसार कोभिड–१९बाट संक्रमित भए पछि साउन २९ मा राईलाई अस्पताल भर्ना गरिएको थियो ।

नेपाल प्रहरीमा आबद्ध राई आफ्नो खेल जीवन नेपाल प्रहरी क्लबबाट खेल्थ्ये ।

सन् १९९९ मा काठमाडौंमा सम्पन्न साफमा टिम कातामा आफ्नो चुनौती पेस गरेका थिए ।

त्यतिबेला राइको टिममा प्रवीण राना, गोपीलाल बम्जन र विजय लामा थिए ।

त्यस्तै राईले नेपालगन्जमा भएको चौथो राष्ट्रिय खेलकुदको एकल कातामा स्वर्ण पदक जितेका थिए ।

त्यही गेमाको प्रर्दशनको आधरमा राष्ट्रिय टिममा छनोट भएका थिए ।

त्यसबेला उनले मध्यमअञ्चलका स्वर्ण पदक दाबेदारी गंगाराम महर्जनलाई हराएका थिए ।

नेपालमा आयोजना गरिने आठौं साफ गेममा कराँतेले दक्षिण एसियाली खेलकुदमा पहिलो पटक खेल तालिकामा समावेश भएको थियो ।

नेपालको लागि टिम बनाउने क्रममा प्रशिक्षकले समान उचाइ मिलेका खेलाडीहरु छनोट गरी टिम बनाएका थिए ।

टिममा उचाई मिलेको कारण राईलाई टिम कातामा राखिएको थियो ।

प्रशिक्षक श्रेष्ठले भने, ‘कराँतेका स्वर्ण पदक विजेता राई निकै सिधा र भलादमी थिए ।’

राईका श्रीमती र एक छोरा छन् ।

सिन्धुली बोलञ्चोर गाउँपालिका –७ खुर्कोटका राई ५३ वर्षका थिए ।

यो पनि पढ्नु होस्ः डर्टमन्डलाई हराउँदै बायर्न म्युनिखले जित्यो जर्मन सुपर कप