कोरोना महामारीका कारण रोकिएका लामो दुरीका सवारीसाधन सञ्चालन गर्न जिल्ला प्रशासन कार्यालय काठमाडौंले दियो अनुमति
प्रशासनको यस निर्णयसँगै अब देशका अन्य स्थानबाट लामो दुरीका यातायात काठमाडौं प्रवेश गर्न पाउने
वि.सं.२०७८ साउन ८ शुक्रवार १६:२२
काठमाडौं: कोरोना महामारीका कारण गत वैशाखदेखि रोकिएका लामो दुरीका सवारीसाधन सञ्चालनका लागि जिल्ला प्रशासन कार्यालय काठमाडौंले अनुमति दिएको छ ।
प्रशासनले शुक्रबार एक सूचना जारी गर्दै लामो तथा मध्यम दुरीका सवारीसाधन सञ्चालनको व्यवस्था गर्न व्यवासायीहरुलाई भनेको हो ।
प्रशासनको यस निर्णयसँगै अब देशका अन्य स्थानबाट लामो दुरीका यातायात काठमाडौं प्रवेश गर्न पाउने भएका छन् ।
प्रशासनले त्रिभुवन विश्वविद्यालय र लोक सेवा आयोगसहितका परीक्षाहरू यही साउनदेखि हुने भएपछि लामो तथा मध्यम दुरीका सवारीसाधन सञ्चाल अनुमति दिइएको जनाएको छ ।
‘परीक्षार्थी र सर्वसाधरणको आवतजावत सहज बनाउन उपत्यकाका सम्पूर्ण व्यवसायीले नेपाल सरकारले तोकेको स्वास्थ्यको मापदण्डको पूर्ण पालना गरी मध्यम तथा लामो दुरीका सार्वजनिक यातायात सञ्चालनको व्यवस्था मिलाउन अनुरोध छ,’ प्रशासनले जारी गरेको सूचनामा भनिएको छ ।
वि.सं.२०७८ साउन ८ शुक्रवार १६:२२