अखबार नेपाल ट्रेन्डिङ

काठमाडौं: नेकपा एमालेको स्थायी कमिटी बैठकले शेरबहादुर देउवा नेतृत्वको सरकारलाई समर्थन नगर्ने र विश्वासको मत पनि नदिने निर्णय गरेको छ ।

अध्यक्ष केपी शर्मा ओलीले आफू पक्षीय नेताको उपस्थितिमा शुक्रबार ललितपुरमा बसेको स्थायी कमिटी  बैठकले यस्तो निर्णय गरेको हो ।

सर्वोच्च अदालतको परामादेशले नेपाली कांग्रेस संसदीय दलका नेता शेरबहादुर देउवा प्रधानमन्त्री बनिसकेका छन् ।

उनले एक महिनाभित्र संसदबाट विश्वासको मत लिनुपर्ने कानुनी व्‍यवस्था छ ।

संसद् पुनःस्थापना गरेसँगै राष्ट्रपति विद्यादेवी भण्डारीले साउन तीन गते अपरान्ह ४ बजे संघीय संसद्‍का दुवै अधिवेशन आह्‍वान गरेकी छन् ।

यसैबीच बैठकले केपी ओली नेतृत्वको सरकारले जनताको पक्षमा काम गरेको निर्णय समेत गरेको छ ।

आजको बैठकमा वरिष्ठ नेता माधवकुमार नेपालका नेताहरू स्थायी कमिटी बैठक स्थगित गर्न माग राख्दै पुगेका थिए ।

कार्यदलले तयार पारेको प्रतिवेदनमाथि छलफल गर्नुपर्ने भन्दै उनीहरूले बैठक रोक्न माग राखेका थिए । तर ओलीले कार्यसूची अनुसार बैठक अघि बढ्ने भन्दै अस्वीकार गरेका थिए ।

नेपाली कांग्रेसले पार्टीको १४औं महाधिवेशन सार्ने तयारी गर्दै
नयाँ भेरियन्टसहितको कोरोना महामारी जोखिमका कारण साउन महिनामा पशुपतिनाथ मन्दिर नखुल्ने