अखबार नेपाल ट्रेन्डिङ

काठमाडौं:  सिवाईसी नेपाल लघुवित्त संस्थाले आईपीओ निष्कासन गर्ने भएको छ । संस्थाले ३.९५ करोड रुपैयाँबराबरको आईपीओ निष्कासन गर्ने भएको छ।

सिवाईसी नेपाल लघुवित्त संस्थाले ३ करोड ९५ लाख ३३ हजार ५०० रुपैयाँ बराबरको आईपीओ सर्वसाधारण (संस्थाका कर्मचारी र सामूहिक लगानी कोषसमेत) का लागि निष्कासनको तयारी गरेको हो ।

कम्पनीले १०० रुपैयाँ अंकित दरका कुल ३ लाख ९५ हजार ३३५.९७०४ कित्ता आईपीओ निष्कासन गर्नेछ । आईपीओ निष्कासन तथा बिक्री प्रबन्धकमा संस्थाले ग्लोबल आइएमई क्यापिटल लिमिटेडलाई नियुक्त गरेको छ ।

सिवाईसी नेपाल लघुवित्तका प्रबन्ध सञ्चालक डोलिन्द्रप्रसाद शर्मा र ग्लोबल आइएमई क्यापिटलका नायब प्रमुख कार्यकारी अधिकृत पराग बिष्टले यस सम्बनधमा भएको सम्झौतापत्रमा हस्ताक्षर गर्नु भएको छ ।

बागलुङ जिल्लाको बाग्लुङ बजारमा केन्द्रीय कार्यालय रहेको राष्ट्रियस्तरको यो लघुवित्तले हालैमात्र म्याग्दी जिल्लाको बेनीमा केन्द्रीय कार्यालय राखी गण्डकी प्रदेशमा मात्र लघुवित्त कारोबार गरिरहेको शालिग्राम लघुवित्त वित्तीय संस्थालाई नेपाल राष्ट्र बैकको स्वीकृति लिई प्राप्ति गरेको थियो।

प्राप्तिपश्चात संस्थाको अधिकृत पुँजी २० करोड रुपैयाँ र जारी पुँजी १२ करोड १६ लाख ४१ हजार ८ सय ३७.०४ रुपैयाँ रहेको छ। संस्थापक समूहको ६७.५० प्रतिशत सेयर रहेको संस्थामा एउटा संस्थासहित ९९ जना संस्थापक सेयरधनीहरुबाट ८ करोड २१ लाख ८ हजार २४० रुपैयाँबराबरको सेयरपुँजी चुक्ता भइसकेको छ।

संस्थाले हाल ३७ वटा शाखा कार्यालयमार्फत राष्ट्रियस्तरमा ४७ हजारभन्दा बढी विपन्न परिवारलाई समूहमा आबद्ध गरी वित्तीय सेवा दिँदै आइरहेको छ।

यो पनी पढ्नुहोस् :

ग्रिन टायर प्रालिले ट्रयाक्टरको टायर उत्पादन गरेर बजारमा उपलब्ध