अखबार नेपाल ट्रेन्डिङ

काठमाडौं:  ग्रिन टायर प्रालिले ट्रयाक्टरको टायर उत्पादन गरेर बजारमा उपलब्ध गराएको छ । नेपालमा निजी लगानीमा खुलेको पहिलो टायर उत्पादक कम्पनीले ट्रयाक्टरको पछाडि भागमा लाग्ने टायर उत्पादन गरेर बजारमा उपलब्ध गराएको हो ।

शेर्पा ब्रान्डमा उत्पादन गरिएको उक्त टायरको नाम सारथी टायर राखिएको छ । रियर टायर भनिने ट्रयाक्टरको पछिल्लो भागमा प्रयोग गर्न सकिने उक्त टायर कृषि क्षेत्रमा प्रयोग हुने पहिलो नेपाली टायर हो ।

नेपालको कठिन सडक तथा भौगोलिक संरचनाको हिसाबले तयार गरिएकोले सो टायर नेपाली माटो तथा बाटोलाई सुहाउने कम्पनीको दावी छ। उक्त टायरमा ताप प्रतिरोधी क्षमता रहेको छ भने पन्चर सुरक्षाको लागि थ्रेडको बीचमा अतिरिक्त रबर प्रयोग गरिएको छ।

कुल २० वटा गोटी रहेको र हाई एनएसडीसहित उत्कृष्ट ट्रयाक्सनयुक्त टायर भएकोले यसले राम्रो उत्पादकत्व दिनेमा कम्पनी विश्वस्त रहेको जनाएको छ। हाल यो टायर १३.६–२८ को साइजमा बजारमा उपलब्ध छ।

आगामी केही दिनमा अन्य साइजका एग्रिकल्चर टायर समेत बजारमा उपलब्ध गराउने तयारी भइरहेको कम्पनीको भनाइ छ। हाल कम्पनीले प्रतिवर्ष २.५ लाख थान टायर उत्पादन गरिरहेको छ। आगामी वर्षदेखि ५ लाख थान टायर उत्पादन हुनेछ।

तीन वर्षपहिले मोरङको कटहरीमा स्थापना भएको ग्रिन टायर प्रालिले डेल्टा र शेर्पा ब्रान्डका टु ह्विलर, थ्री ह्विलर तथा एग्रिकल्चर सेगमेन्टका टायरहरु उत्पादन गर्छ । हाल ग्रिन टायरमा कुल १५० जना कामदार कार्यरत छन्।

यो पनी पढ्नुहोस् :

एभरेष्ट बैंकले ऋणपत्रको रकम फिर्ता लिन आउन आग्रह