अखबार नेपाल ट्रेन्डिङ

एजेन्सीः युरोकप फुटबल युरोपियन फुटबलका दुई ‘अन्डरडग’ इङ्ल्यान्ड र डेनमार्क आमने सामने हुँदै छन् ।

सन् १९६६ को विश्वकप विजेता इङ्ल्यान्ड र सन् १९९२ को युरोकप फुटबल विजेता डेनमार्क

लन्डनस्थित  ‘वेम्बली’ स्टेडियममा आज मध्यरातमा दोस्रो सेमीफाइनल खेलमा आमन्ने

सामन्ने हुदैछन् ।

यी दुई राष्ट्र बिचको आजको खेल निकै रोमाञ्चक हुने अपेक्षा गरिएको छ ।

समूह चरणको पहिलो खेलमा नै ड्यानिस सुपरस्टार एरिकसन मैदानमा अचेत अवस्थामा पुगेका थिए ।

हृदयघातका कारण मैदानमा ढलेका एरिकसनको दुःखद घटना पछि डेनमार्कले उसको लागि

प्रतियोगिताका बाँकि खेल खेल्ने निधो गरेको थियो ।

त्यस पश्चात् डेनमार्कको प्रदर्शनीले साँच्चै सबैलाई स्तब्ध बनाएको छ।

युरो कप इतिहासमै डेनमार्कले लगातार ३ खेलमा जित निकालेको यो पहिलो पटक हो।

डेनमार्कले यस प्रतियोगितामा ११ गोल गरिसकेको छ ।

यो संख्या कुनै पनि प्रतियोगितामा ड्यानिस टोलीले प्रहार गरेको सर्वाधिक गोल संख्या हो ।

सन् १९६६ विश्वकप फाइनल पछि कुनै पनि प्रमुख प्रतियोगिताको फाइनल पुग्न नसकेको

इङ्ल्यान्डले घरेलु मैदानमा पहिलो पटक युरो कप उपाधि उचाल्ने सपना बुनिरहेको छ ।

क्वार्टर फाइनलमा युक्रेनविरुद्ध ४-० गोलको जित दर्ता गरेको इंग्लिश टोलीले यस प्रतियोगितामा

कुनै पनि गोल खाएको छैन ।

प्रतियोगिता अन्त्य नहुँदै इङ्ल्यान्डका गोलरक्षक जोर्डन पिकफर्डले ‘गोल्डेन ग्लोभ’ जितिसकेका छन् ।

यस प्रतियोगितामा आफ्नो पोस्टमा १ गोल पनि हुन नदिएको इङ्ल्यान्डको रक्षापंक्तिको आज

परीक्षा हुने निश्चित देखिन्छ ।

यो पनि पढ्नु होस्ः