अखबार नेपाल ट्रेन्डिङ

एजेन्सीः कुनैपनि डाटा वा तस्बिर भिडियोको संग्रह गर्न हामी डिजिटल मेमोरीको प्रयोग गर्दछौँ । यो मेमोरी कम्प्युटरको हार्ड डिस्क, फोनको मेमोरी, मेमोरी कार्ड वा पेन ड्राइभ लगायतमा राख्ने गरिन्छ ।

यस्तोमा पेन ड्राइभमा राखिएको सामाग्री सजिलै अरुले नहेरुन् भनेर र यसलाई सुरक्षित पार्न यसमा पासवर्ड राख्न सकिन्छ । तर कसरी ?

– पेन ड्राइभमा पासवर्ड राख्न पहिले कम्प्युटरमा पेनड्राइभ कनेक्ट गर्नुहोस् ।

– पेनड्राइभमा डाटा भए त्यसलाई स्क्यान गर्नुहोस्, खाली भए फम्र्याट गर्नुहोस् ।

– त्यसपछि यसमा राइट क्लिक गरेर ‘टर्न अन बिटलकर’ रोज्नुहोस् ।

– अब एउटा विन्डो खुल्छ र एकैछिनमा आफैँ बन्द हुन्छ । यसपछि प्रोसेस स्टार्ट हुन्छ ।

– नयाँ खुलेको विन्डोमा कसरी पेनड्राइभ लक गर्ने भन्ने अप्सन दिइएको हुन्छ ।

– अब ‘युज अ पासवर्ड टु अनलक द ड्राइभ’ अप्सन रोज्नुहोस् ।

– त्यसपछि इच्छा अनुसार कुनैपनि पासवर्ड छान्नुहोस् र अर्को बटनमा क्लिक गर्नुहोस् ।

– अब फेरि एउटा विन्डो खुल्छ, जहाँ ‘बिटलकर रिकभरी की’ सेभ गर्न सोधिएको हुन्छ ।

– एकछिनअघि रोजेको पासवर्ड भुल्नुभयो भने यो अप्सन काम लाग्छ ।

– अब ‘सेभ टु फाइल’ अप्सनमा जानुहोस् ।

– कम्प्युटरमा ‘रिकभरी की’ सेभ गर्ने लोकेसन ब्राउज गरेर ‘रिकभरी की’ सेभ गर्नुहोस् ।

– यसपछि यस्तो विन्डो देख्नुहुन्छ, जहाँ ‘नेक्स्ट’ अप्सनमा क्लिक गर्नुहोस् ।

– जबसम्म ‘स्टार्ट इनक्राइप्टिङ’ अप्सन आउँदैन तबसम्म ‘नेक्स्ट’ अप्सनमा क्लिक गर्नुहोस् ।

– इन्क्रिप्सन सुरु भएपछि प्रोसेस कम्प्लिट हुन केही समय लाग्न सक्छ ।

– एकपटक प्रोसेस पूरा भएपछि पेनड्राइभ डिसकनेक्ट गरिदिनुहोस् र फेरि कनेक्ट गर्नुहोस् ।

अब पेनड्राइभ लक भएको पाउनु हुनेछ । अब यसलाई विना पासवर्ड खोल्न सकिदैन । पेनड्राइभ जसको हातमा परे पनि कसैले पनि तपाईंको डाटा दुरुपयोग गर्न सक्दैन ।

(एजेन्सीको सहयोगमा)