अखबार नेपाल ट्रेन्डिङ

एजेन्सीः कम्प्युटर कहिलेकाहि स्लो हुने, फाइलहरू हराउने, अटोमेटिक बन्द हुनेजस्ता समस्या देखिन्छन् । यस्तो किन हुन्छ त ?

कम्प्युटरमा भाइरस घुस्यो भने यसले काममा बाधा उत्पन्न गराउँछ । यसले कम्प्युटरमा राखिएका फाइल हराउन थाल्छ । कतिपय समयमा भाइरसले कम्प्युटर आफैँ बन्द हुन्छ ।

अनावश्यक फाइलले मेमोरी फुल गरिदिने, फाइल नखुल्ने समस्या आउन सक्छ । कम्प्युटरमा अनावश्यक सर्टकट फाइलहरू बन्छन् । यस्तो अवस्थामा भाइरस लागेको हुन्छ ।

तर केही सावधानी अपनाए कम्प्युटरलाई भाइरस लाग्नबाट बचाउन सकिन्छ । एकपटक कम्प्युटरमा भाइरस छिर्यो भने यो व्यापक रूपमा फैलिन्छ । यसका लागि के गर्ने त ?

१. इन्टरनेटबाट अनावश्यक सफ्टवेयर डाउनलोड नगर्ने अन्यथा प्राइभेट सफ्टवेयरहरू कपी गर्दा नेटवर्कबाट डाटाहरू एक्सचेन्ज गर्दा कम्प्युटरमा भाइरस लाग्ने सम्भावना बढी हुन्छ ।

२. नचिनेको अनलाइन पोर्टलहरू खोल्दा भाइरस लाग्ने संभावना हुन्छ ।

३. कम्प्युटरमा भाइरस लाग्दा कम्प्युटर खुल्न बढी समय लाग्छ । कम्प्युटरमा इरर आउँछ ।

४. इमेलबाट पनि कम्प्युटरमा भाइरस लाग्ने सम्भावना बढी हुन्छ । नचिनेको इमेल चेक गर्दा कम्प्युटरमा भाइरस लाग्न सक्छ । त्यसैले जोकोहीले पठाएको इमेल चेक गर्नु हुँदैन ।

५. बजारबाट किनेर ल्याएका गेमका सिडीबाट, इन्टरनेटबाट प्रोगाम डाउनलोड गर्दा, पेनड्राइभ, मेमोरी कार्ड, फ्लपी डिस्कबाट फाइल सार्दा भाइरस सर्ने सम्भावना बढी हुन्छ ।

कम्प्युटरलाई जुनसुकै भाइरसबाट बचाउन एन्टिभाइरस राख्नुपर्छ । त्यसो गर्न सकियो भने केही हदसम्म भाइरसबाट कम्प्युटरलाई जोगाउन सकिन्छ ।

एन्टिभाइरस सफ्टवेयरलाई समय–समयमा अपडेट गराइराख्नुपर्छ । पेनड्राइभ, सिडीमार्फत कम्प्युटरमा भाइरस लाग्ने भएकाले खोल्नुभन्दा पहिले स्क्यान गर्नुपर्छ ।

(एजेन्सीको सहयोगमा)