अखबार नेपाल ट्रेन्डिङ

काठमाडौं: नेपाल प्रहरीका २४ जना प्रहरी उपरीक्षक (एसपी) को सरुवा भएको छ । प्रहरी प्रधान कार्यालयले शुक्रबार २४ जना एसपीको सरुवा गरेका हुन् ।

जिल्ला प्रहरी कार्यालय चितवनमा गंगा पन्तको सरुवा भएको छ भने चितवनका एसपी दानबहादुर मल्ललाई अन्तर्राष्ट्रिय बिमानस्थल सुरक्षा गार्डमा सरुवा गरिएको छ । बिमानस्थल सुरक्षा गार्डका कृष्ण कोइरालाको झापा प्रहरी प्रमुखमा सरुवा भएको छ ।

त्यस्तै धनुषामा रमेशकुमार बस्नेत, कंचनपुरमा मुकुन्द मरासनी र रौतहटमा रवीराज खड्काको सरुबा भएको छ । अपराध महाशाखाका एसपी सुशिलसिंह राठौर मकवानपुर पुगेका छन् भने रन्जु सिग्देललाई सिन्धुली पठाइएको छ ।

स्याङजामा जनार्दन जिसी, धनुषामा जयराम सापकोटा, काभ्रेमा रविकुमार पौडेल, धादिङमा रविन्द्र रेग्मी पुगेका छन् । महानगरीय ट्राफिक महाशाखा रामशाहपथमा राजकुमार वैदवार, महानगरीय प्रहरी कार्यालय तालिम अन्वेशन विकास तथा समन्वय शाखा रानीपोखरीमा योग बहादुर पाललाई लगिएको छ ।

हेर्नुहोस् को एसपी कहाँ सरुवा भए ।