अखबार नेपाल ट्रेन्डिङ

एजेन्सी: अमेरिकी सैन्य तालिममा पाकिस्तान सहभागी हुने भएको छ । एक वर्षदेखि निलम्बनमा परेको पाकिस्तानले अमेरिकी सैन्य तालिमका लागि फेरि इच्छा देखाएपछि सम्भव भएको अमेरिकी सञ्चारमाध्यमहरुले जनाएका छन् ।

अमेरिकाले सञ्चालन गर्दै आएको अन्तर्राष्ट्रिय सैन्य प्रशिक्षण तथा तालिममा पाकिस्तानी सेना पनि सहभागी हुने अमेरिकी सञ्चारमाध्यमले जनाएका छन् । यस निर्णयलाई पाकिस्तानी प्रधानमन्त्री इमरान खान र अमेरिकी राष्ट्रपति डोनल्ड ट्रम्पबीच भेटवार्ताको उपलब्धिकै रुपमा व्याख्या गरिएको छ । यससँगै दशक भन्दा लामो सैन्य सहकार्य गर्दैआएका अमेरिका र पाकिस्तानबीच सम्बन्ध सुधारिने टिप्पणी पाकिस्तानी सञ्चारमाध्यमहरुले बताएका छन् ।

अफगानिस्तानबाट सेना फिर्ता गर्ने प्रक्रियामा अमेरिकाले पाकिस्तानलाई पनि ‘क्रेडिट’ दिएको थियो । अमेरिकी सैन्य कार्यक्रमले द्वीपक्षीय सहयोग बढ्ने विश्वास अमेरिकी पक्षबाट गरिएको छ । यस्तै क्षेत्रीय सुरक्षा र स्थायीत्वका लागि पनि सैन्य कार्यक्रम सहयोगी हुने अपेक्षा गरिएको छ ।