अखबार नेपाल ट्रेन्डिङ

काठमाडौं: विश्व मस्तिष्क पक्षाघात दिवसको अवसरमा (एसजिसिपि)को आयोजनामा विभिन्न संघ संस्थाको सहयोगमा नेपालमा पनि यो दिवस मनाईएको छ ।

दिवसको अवसरमा काठमाडौंको बसन्तपुरस्थित जुद्ध सालिक नजिकबाट निकालिएको रयालीलाई प्रतिनिधिसभाका सांसद प्रदीप पौडेलको प्रमुख आतिथ्यमा हरियो रिवन काटी उद्घाटन पश्चात रयाली अगडि बढेको थियो ।

रयाली न्यूरोड विशाल बजार आकाश भैरव हुदै मख्खनको टोलमा पुगी सभामा परिणत भएको थियो । सभामा एसजिपिका सिईओ शुशिलमान सिंह प्रधानले सिपिको बारेमा विभिन्न भ्रम सृजना पैदा भएकोले भ्रममा नपरी रोग होइन अवस्था हो भनि सबै बुझ्नुपर्ने जानकारी दिए ।

सभामा अन्य संघ सस्थाका पदाधिकारीले शुभकामना ब्यक्त गरेका थिए ।  कार्यक्रमको प्रमुख अतिथि प्रतिनिधि सभाका सदस्य प्रदीप पौडेलले सम्बोधन गर्दै भने- “यस्तो खालको अपाङतालाई अधिकारको रुपमा स्थापित गर्न सकेको छैन यस अधिकारको रुपमा सम्बोधन गर्न सके मात्र हाम्रो सहनुभुति भावनाबाट माथि उठ्ने छौ र उनीहरुले बल्ल अधिकार प्राप्त गर्ने छन् त्यसैले अपाङताको नाममा सम्बोधन स्थापित गर्ने र संवैधानिक रुपमा नै स्थापित गर्न जरुरी छ ।” उनले थपे “यस्ता अबस्थामा रहेकाहरुलाई विशेष शिक्षा दिनुपर्छ र यसलाई विशेष प्राथमिकतामा राखी सरकारसम्म यसको जानकारी  पुर्यायाउने प्रतिबद्धता ब्याक्त गर्दछु ।”