अखबार नेपाल ट्रेन्डिङ

काठमाडौं: नेपाली कांग्रेस सदस्य डा. आरजु राणा देउवाले केन्द्री कार्यसमिति बैठकमा महामन्त्रीहरूले पेश गरेको प्रतिवेदन एनजीओको ‘विस लिस्ट’ जस्तो रहेको टिप्पणी गरेकी छन् ।

‘महान्त्रीको प्रतिवेदनमा दूरगामी असर पर्ने या हाम्रो देशलाई हाँक्ने कुरा देखिनँ । म अलिकति अचम्मित पनि भएँ । किनभने महामन्त्रीको प्रतिवेदनमा एउटा राजनीतिक दस्तावेज हुन्छ होला सोचेकी थिएँ,’उनले भनिन्,’ तर उहाँहरूले ल्याउनु भएको प्रस्ताव राजनीतिक दस्तावेज भन्दा पनि एनजीओको ‘विस लिस्ट’ जस्तो लाग्यो । धेरै कार्यक्रम गर्ने, उपलब्धि के हो त ? त्यो कुरा क्लियर भएन ।’

उनले थोरै कार्यक्रम गरेर धेरै उपलब्धि लिने उद्देश्य लिनुपर्ने  बताइन् । राणाले पार्टीले क्रियाशील सदस्य हुनुभन्दा अगावै पार्टीको विचार नीति र सिद्धान्तका विषयमा सदस्यहरूलाई प्रशिक्षित गर्नुपर्नेमा जोड दिइन् । पार्टीको सदस्यता वितरण लथालिंग भएको भन्दै यसलाई व्यवस्थित गर्नुपर्ने उनको सुझाव छ ।