अखबार नेपाल ट्रेन्डिङ

काठमाडौं: मलेसियाको क्वालालम्पुरबाट नेपाल आउँदै गरेको विमान त्रिभुवन अन्तर्राष्ट्रिय विमानस्थलमा अवतरण हुन नसकेपछि भारतको कोलकाता पुगेको छ ।

नेपाल एयरलाइन्सको आरए-४१६ विमान काठमाडौंको आकाशमा फन्को मारेर अहिले कोलकातामा अवतरण गरेको छ ।

आज बिहानैदेखि काठमाडौंमा भिजिबिलिटी कम छ । खराब मौसमका कारण त्रिभुवन अन्तर्राष्ट्रिय विमानस्थलमा अवतरण हुन नसकेपछि विमान कोलकाता पुगेर अवतरण गरेको हो ।

आजै श्री एयरलाइन्सको अर्को विमान एयरलाइन्सको ४४० विमान  पनि काठमाडौंमा भिजिबिलिटी कम भएपछि झापाको चन्द्रगढीमा अवतरण भएको थियो ।