अखबार नेपाल ट्रेन्डिङ

काठमाडौं: भारतीय सेनाप्रमुख मनोज पाण्डे पाँच दिने औपचारिक भ्रमणका लागि काठमाडौं आउँदै छन् । उनी अपरान्ह ४ बजे त्रिभुवन अन्तर्राष्ट्रिय विमानस्थलमा ओर्लने छन् ।

प्रधानसेनापति प्रभुराम शर्माको औपचारिक निमन्त्रणामा पाण्डे नेपाल आउन लागेका हुन् ।

भारतले ‘अग्निपथ’ योजना लागू गरेसँगै भारतीय सेनामा गोर्खा भर्ती रोकिएका बेाल सेनाप्रमुख पाण्डे नियमित भ्रमणका क्रममा आउन लागेका हुन् । उनी आउनु अघि भारतीय सेनाले नेपाली सेनालाई सहयोगीस्वरुप दिन लागेको पाँच वटा बख्तरबन्द गाडी आइपुगेका छन् ।

नेपाली सेनाका प्रधानसेनापति प्रभुराम शर्माको निमन्त्रणमा नेपाली सेनाको मानार्थ महारथीका रूपमा सुशोभित हुने कार्यक्रमका लागि आउन लागेका भएपनि भ्रमणका बेला भारतीय सेनाले अघि सारेको ‘अग्निपथ’ बारे छलफल हुने बताइएको छ ।

पाँचदिने नेपाल भ्रमणका क्रममा उनले सैनिक मञ्च सोमबार टुँडिखेलस्थित वीर स्मारकमा श्रद्धाञ्जली अर्पण, सेनाको मुख्यालय जंगी अड्डामा सम्मान गारत निरीक्षण गर्ने सैनिक जनसम्पर्क तथा सूचना निर्देशालयले जनाएको छ ।

त्यस्तै उनले राष्ट्रपति विद्यादेवी भण्डारीसँग पनि सोमबारै शिष्टाचार भेट गर्नेछन् ।

सोही दिन पाण्डेलाई नेपाली सेनाले सैनिक मुख्यालयमा रात्रिभोज दिनेछ । मंगलबार उनी सगरमाथा वेसक्याम्प नाम्चे पुग्नेछन् भने सोही दिन उनले प्रधानमन्त्री शेरबहादुर देउवासँग शिष्टाचार भेट गर्ने र पशुपतिनाथको दर्शन गर्ने कार्यक्रम रहेको छ ।

साँझ भारतीय दूतावासले आयोजना गरेको रात्रि भोजमा सहभागी हुने पाण्डे चौथो दिन मौसमले साथ दिए मुक्तिनाथ दर्शनका लागि जानेछन् ।

त्यस्तै पोखरास्थित सेनाको पृतनाको भ्रमण गर्ने र सोही दिन काठमाडौ फर्केर वसन्तपुर हनुमान ढोका अवलोकन गर्ने कार्यक्रम रहेको छ ।  अन्तिम दिन सेप्टेम्बर ८ मा उनी स्वदेश फर्कनेछन् ।