अखबार नेपाल ट्रेन्डिङ

काठमाडौं: कुमारी बैंक लिमिटेड र रुपन्देहीको देवदहस्थित कृष्ण पोलिक्लिनिकबीच सम्झौता भएको छ । पोलिक्लिनिकबाट प्रदान गरिने सेवाहरुमा विशेष छुट प्रदान गर्ने गरी सम्झौता भएको हो ।

सम्झौता अनुसार बैंकका ग्राहकले पोलिक्लिनिकबाट सेवा लिएवापत कुनैपनि भुक्तानी कुमारी बैंकको डेबिट क्रेडिट कार्डबाट गर्दा ओपिडि शुल्कमा ५०%, एक्स–रेमा १०%, ल्याब टेस्टमा १५%, प्रक्रिया ड्रेसिङ शुल्कमा १०% र औषधी शुल्कहरूमा ३-५% छुट प्राप्त गर्न सकिनेछ ।

यस सुविधाबाट सेवाग्राहीहरुले गुणस्तरीय सेवा प्राप्त गर्नुका साथै अधिकतम लाभ समेत प्राप्त गर्न सक्ने बैंकको विश्वास छ ।