अखबार नेपाल ट्रेन्डिङ

काठमाडौं: नेकपा एमालेले आगामी मंसिर ४ गते हुन लागेको संसदीय निर्वाचनका लागि अध्यक्ष केपी शर्मा ओलीको नेतृत्वमा केन्द्रीय निर्वाचन परिचालन कमिटी गठन गरेको छ ।

पार्टी सचिवालयको आज केन्द्रीय कार्यालय च्यासलमा बसेको ११औँ बैठकले अध्यक्ष ओलीको नेतृत्वमा केन्द्रीय निर्वाचन परिचालन कमिटी गठन गरेको जानकारी हो ।

ओलीको नेतृत्वमा बनेको केन्द्रीय निर्वाचन परिचालन कमिटीमा केन्द्रीय कमिटीका सबै सदस्य, केन्द्रीय निकाय र आयोगका पदाधिकारीलाई पनि राखिएको छ ।

निर्वाचन आयोग, अनुशासन आयोग, लेखा आयोग र सल्लाहकार परिषद्का सदस्यहरुलाई पनि ओली नेतृत्वको कमिटीमा राखिएको छ । त्यसैगरी केन्द्रीय विभागका सचिवहरुलाई पनि परिचालन कमिटीमा रखिएको छ ।

त्यसैगरी यो कमिटीमा प्रदेश कमिटीका अध्यक्षहरु र जनसंगठनका अध्यक्षहरुलाई पनि राखिएको छ ।

निर्वाचनमा होमिने गरी आगामी भदौ ७ गते स्थायी कमिटीको बैठक, ९ गते पोलिटब्युरो कमिटीको बैठक र ११ गते केन्द्रीय कमिटी बैठक डाकिएको छ ।