अखबार नेपाल ट्रेन्डिङ

काठमाडौं: आगामी मंसिर ४ गते हुने प्रतिनिधिसभा र प्रदेशसभाको निर्वाचनका लागि दलहरु तयारीमा जुटिसेकेका छन् ।

निर्वाचन आयोगले निर्वाचन मिति र कार्यतालिका सार्बजनिक गरेपछि चुनावको चटारोमा दलहरु लागि रहेका हुन ।

सत्तागठबन्धनमा रहेका दलहरुले निर्वाचनसम्म सँगै जाने र त्यसको लागि सिट बाँडफँडमा जुटिरहेका छन् । उनीहरुको वैठक आज पनि बस्दैछ ।

यता गठबन्धनले सिट बाँडफाँडको लागि वैठक बस्दै गर्दा प्रमुख प्रतिपक्षी दल नेकपा एमालेले पनि आफ्नो चुनावी रणनीति तयार गर्नका लागि वैठक बस्न लागेको छ ।

संभवत कोहीसँग तालमेल भएन भने एमाले एक्लै चुनावमा होमिनुपर्ने अवस्था आउन सक्छ । त्यसैको तयारीका लागि आज एमालेको सचिवालय वैठक बस्न लागेको हो ।

बैठक आज १२ बजेपछि ललितपुरको च्यासलस्थित केन्द्रीय कार्यालयमा बस्ने छ ।

बैठकमा समसामयिक राजनीतिका साथै मंसिर ४ मा निर्धारित प्रदेश र प्रतिनिधि सभा निर्वाचनको रणनीति, चुनावी एजेण्डा लगायतका विषयमा छलफल हुने बताईएको छ ।

बैठकले पोलिटब्युरो र केन्द्रीय समितिको बैठकको मिति तोक्नसक्ने सम्भावना पनि छ । निर्वाचन प्रयोजनका लागि नेकपा एमालेले दल दर्ताको काम सकिसकेको छ ।