अखबार नेपाल ट्रेन्डिङ

काठमाडौं: कतार प्रहरीको आकर्षक रोजगारी फेरि विवादमा परेको छ । कतार प्रहरीको आकर्षक रोजगारीको पुर्व स्वीकृति निकालेको अल ताक्वेत ओभरसिजमा  वैदेशिक रोजगार विभागको टोलीले प्रक्रियाको बारेमा जानकारी लिएको थियो ।

कतार प्रहरीमा पठाउने भनि अन्तर्वार्ताको मिति समेत तोकिएको विज्ञापन पत्रिकामा सार्वजनिक भएपछि विभागले अल ताक्वेत ओभरसिजसँग उक्त प्रक्रियाको बारेमा जानकारी लिएको हो ।

उक्त विज्ञापनको लागि बैदेशिक रोजगार विभागले नै स्वीकृत गरि लट नम्बर समेत दीईसकेको थियो । एक राष्ट्रिय दैनिक पत्रिकामा विज्ञापन प्रकाशन गरेको मेनपावरले साउन ३०, भदौ १ र २ गते अन्तर्वार्ताको मिति समेत तय गरिसकेको थियो ।

दुई सय जनाको डिमान्ड सबै कानूनी प्रक्रिया पुरा गरि पत्रिकामा विज्ञापन प्रकाशन गरेको मेनपावर कम्पनीले बताएको छ ।

उक्त संस्थाले विभिन्न व्यक्तिहरुबाट लाखौ रुपैयाँ उठाएको भन्ने सूचना आएपछि बिभागको टोली पुगेको तेस्तो नभेटाएको विभागले जनाएको छ ।

गत बर्ष श्रम, रोजगार तथा सामाजिक सुरक्षा मन्त्रालयले कतार प्रहरीको डिमान्ड श्रम सम्झौता अनुसार प्रमाणीकरण गर्न अनुमति दिएको थियो ।

विवाद भएपछि र समयमा पठाउन नसकेपछि गत बर्ष पनि अल ताक्वेत ओभरसिजले ल्याएको   कतार प्रहरीको दुई सय जनाको डिमान्ड कतारले अन्य देशलाई दिएको थियो  । गत बर्ष मागपत्र दिएपनि विविध कारणले समयमा उडाउन नसकेपछि फेरी हाल कतारको आन्तरिक मन्त्रालयले अल ताक्वेत ओभरसिजलाई दुई सय जना कतार प्रहरीको रोजगारी पाईलट प्रोजेक्टको रुपमा दिएको थियो । यो मागपत्र समयमा पुर्ति गर्न नसके नेपालबाट सधैका लागि कतार प्रहरीको रोजगारी गुम्ने कतार निकट स्रोतले बताएको छ ।

गत बर्ष ओभरसिजले कामदार भर्ना प्रक्रिया जारी राखेकै अवस्थामा समयमा पठाउन नसकेपछि कतारले अन्य देशबाट उक्त माग पुर्ति गरेको थियो । यसपटक पनि गत बर्षकै घटना दोहोरीने सम्भावना बढेको छ  ।

कतार प्रहरीमा लामो समयदेखि नेपाली कामदार लैजाने चर्चा चल्दै र सेलाउदै आएको छ । यस्मा केहि मेनपावर ब्यावसायी र माफियाहरु उक्त माग आफ्नो हातमा पार्न भरमग्दुर प्रयास गरिरहेका थिए ।

तर, चर्चा भन्दा हल्ला बढी हुने गरेकाले उक्त आकर्षक रोजगारी अन्य देशमा पुगेको छ । अहिलेसम्म करिव तीन सय नेपाली उक्त रोजगारीमा गएका छन ।

यसअघि २०७६ को फागुनमा एक सय ७९ जना नेपाली कामदारलाई कतार प्रहरीमा पुगेका थिए । उनीहरुको कार्य सन्तोषजनक र उत्कृष्ट भएपछि कतारको आन्तरिक मन्त्रालयले कतार प्रहरीमा नेपाली भर्ना गर्ने निर्णय गरेको थियो ।

तर, उक्त छनौट प्रक्रियामा विभिन्न चलखेल भएपछि अघिल्लो बर्ष पनि उक्त अवसर नेपालबाट गुमेको थियो । यसपटक पनि सबै कानूनी प्रक्रिया पुरा गरेर नेपाली कामदारलाई उक्त सुवर्ण अवसर दिलाउन खोजको मेनपावर कम्पनीले जनाएको छ । उक्त कम्पनीले हल्लाको पछि नलाग्न नेपाल सरकार, श्रम मन्त्रालय, बैदेशिक रोजगार विभाग लगायत सरोकारवाला निकायहरुलाई अनुरोध गरेको छ ।

अल ताक्वेत ओभरसिजले उक्त रोजगारीमा आफ्नै कम्पनीले पठाउनुपर्छ भन्ने पनि नभएकोले यो अवसर चाहि नगुमाऊन सरोकार वाला सबै निकायलाई आग्रह गरेको छ । कम्पनीले आफूहरुले कानुनको पुर्णरुपमा पालना गरेर मात्रै कतार प्रहरीमा पठाउन लागेको जनाएको छ ।