अखबार नेपाल ट्रेन्डिङ

काठमाडौँ : नेकपा एकीकृत समाजवादीले पुरानै मन्त्रीलाई निरन्तरता दिने भएको छ । हिजो पार्टीको सचिवालय बैठकले मन्त्रीबाट फिर्ता बोलाएर नयाँ मन्त्रीका लागि नाम पठाएको थियो ।

तर बहालवाला मन्त्रीहरुले विभिन्न शक्तिकेन्द्र धाउन थालेपछि पार्टीले नयाँ मन्त्रीलाई पठाउने कामलाई तत्काल स्थगित गर्दै पुरानै मन्त्रीलाई निरन्तरता दिने भएको हो ।

अब स्वास्थ्य तथा जनसंख्या मन्त्री विरोध खतिवडा, शहरी विकास मन्त्री रामकुमारी झाँक्री, संस्कृति, पर्यटन तथा नागरिक उड्डयनमन्त्री प्रेमबहादुर आले, श्रम, रोजगार तथा सामाजिक सुरक्षामन्त्री कृष्णकुमार श्रेष्ठ र स्वास्थ्य राज्यमन्त्री भवानी खापुङले यथावत रुपमा काम गर्ने पाउने भएका छन् ।