अखबार नेपाल ट्रेन्डिङ

नेपालगन्ज : यही २१ गते एक १६ वर्षीय किशोरीलाई सामुहकि बलात्कार गरेको अभियोगमा ७ जनालाई प्रहरीले पक्राउ गरेको छ ।

फेसबुकमा एक वर्षदेखि चिनजान भएका १७ वर्षका हेमराज थारुले आफ्नो जन्म दिन छ भनेर भेट्न बोलाएपछि आएकी किशोरीलाई हेमराज लगायत ७ जनाले बलात्कार गरेको बाँके प्रहरीले जनाएको छ ।

किशोरीलाई शुरुमा मानखोलाको जंगल र पछि बैजनाथस्थित टहरामा लगेर बलात्कार गरेको प्रहरीले जनाएको छ।

मानखोलाको जंगलमा ५ जना र टहरामा लगेर २ जनाले बलात्कार गरेको प्रहरीले बताएको छ ।

प्रहरीले अभियुक्तहरु हेमराज थारु, निराजन थारु, बिक्रान्त थारु, प्रवीण थारु, राजकुमार थारु, विश्वनाथ थारु र निर्देश थारुलाई विभिन्न ठाँउबाट पक्राउ गरेको छ ।

घटना २१ गते राती र २२ गते बिहानको हो । २२ गते सांझ ४ बजे किशोरीलाई घर पुर्याउन जादा एउटै मोटरसाइकलमा ३ जना सवार थिए । प्रहरीले खजुरामा चेकजांच गर्दा किशोरी लठ्ठिएको देखेपछि कार्यालयमा लगेर सोधपुछ गर्दा घटना बाहिर आएको हो ।