अखबार नेपाल ट्रेन्डिङ

काठमाडौं: काठमाडौं महानगरपालिकामा अहिलेसम्म १ लाख १४ हजार २०५ मत गनिसकिएको छ । जसमा मेयरका स्वतन्त्र उमेदवार बालेन शाहले ४० हजार ४२७ मतसहित अग्रस्थानमा छन् ।

लौरो चुनाव चिह्नका स्वतन्त्र उम्मेदवार शाहलाई अहिले नेपाली कांग्रेसकी सिर्जना सिंहले दोस्रो नम्बरमा रहेर पछ्याइरहेकी छन् । सिंहले २३ हजार १९३ मत ल्याएकी छन् ।

उता यसअघि दोस्रो नम्बरमा रहेका नेकपा एमालेका उम्मेदवार केशव स्थापित तेस्रो नम्बरमा खुम्चिएका छन् । स्थापितले ताजा अवस्थामा २२ हजार ४१५ मत ल्याउन सकेका छन् । उनले भने जस्तै कोर एरियामा पुग्दासमेत बालेनकै अग्रता लगातार बढिरहेको छ ।