अखबार नेपाल ट्रेन्डिङ

काठमाडौं: कानुन व्यवसायीहरुको छाता संगठन नेपाल बार एशोसिएसनले आजदेखि फेरि आन्दोलन गर्ने भएको छ ।

बारले सर्वोच्च अदालत परिसरमा प्रदर्शन गर्ने भएको हो ।

प्रधानन्यायाधीश चोलेन्द्रशम्सेर जबराको राजीनामा अनि न्यायपालिका सुधारको माग राखी बारले भौतिक उपस्थितिमै प्रदर्शन गर्ने निर्णय गरेको हो ।

कोरोना संक्रमणको जोखिम बढेपछि बारले पुसको अन्तिम सातादेखि २५ जनाको उपस्थितिमा मात्रै सांकेतिक प्रदर्शन गर्दै आएको थियो ।

नेपाल बार एशोसिएसनले प्रधानन्यायाधीश जबराको राजीनामा माग्दै शुरु गरेको आन्दोलन १०५ दिन पुगिसकेको छ ।

बारले इजलास बहिस्कारदेखि प्रशासनिक काम कारबाहीमा समेत प्रधानन्यायाधीश जबराको संलग्नताको विरोध गर्दै आएको छ ।