अखबार नेपाल ट्रेन्डिङ

काठमाडौं: गोल्डेन पिक हाई स्कुलका बालबालिकाहरुको प्रतिभा प्रष्फुटनका लागि भएको ‘गोल्डेन डान्सिङ्ग स्टार’को कार्यक्रम सम्पन्न भएको छ ।

सिनियर तर्फ गोल्डेन स्टार जेसिका राई हुन सफल भईन भने जुनियर तर्फ माधवी के.सी. भईन्  । त्यस्तै सिनियर तर्फ फष्ट रनअप रस्मी सुनुवार भईन् भने सेकेण्ड रनरअप रोसिङ्गा राई भइन् ।

जुनियर तर्फ फष्ट रनअरप सिवानी बस्नेत भईन् भने सेकेण्ड रनरअप सारंशी भुजेल भईन् ।

सबै डान्सिङ्ग स्टारहरुलाई प्रमाण-पत्र, ट्रफि र नगद पुरस्कार प्रदान गरिएको थियो भने टप १५ मा प्रवेश गर्ने ग्राण्ड फिनालेका सहभागीहरुलाई मेडल र ट्रफि वितरण गरिएको थियो ।

ट्रफि र मेडल विद्यालयका प्रिन्सिपल छत्रमणि राई, डिपुटी प्रिन्सिपल भानदेव कपाडी र विद्यालय व्यवस्थापन समिति सदस्य आस्था बजगाईले वितरण गरेका थिए ।

कोरोना महामारीका कारण लकडाउन भएका कारण बालबालिकाहरुको मनोसामाजिक, भावनात्मक र शारीरिक विकासमा पर्न गएको वाधालाई केहि कम गर्न डान्सिङ्ग स्टारका लागि  अनलाईनदेखि नै अडिस लिइएको थियो ।

प्रत्येक राउण्ड पार गर्दै ग्राण्ड फिनालेसम्म पुगेका सहभागीहरुले विभिन्न कलात्मक शैलीबाट आ-आफ्नो नृत्य प्रस्तुत गरेका थिए ।

डान्सिङ्ग स्टारका विजेता जेसिका राईले कुलतमा फसेका र महिला हिंसा विरुद्ध बुलन्द आवाज निकाल्ने सशक्तिकरणको नृत्य देखाएकी थिइन् भने फस्ट रनरअप रस्मी सुनुवारले अविभावक विहिन बालबालिकाको मर्म र मनोदशा झल्काउदै अभिभावकको दायित्व दर्शाएकी थिन् ।

त्यसैगरी सेकेण्ड रनरअप हुन सफल रोसिङ्गा राईले घरेलु कामदार बालिकाको मनोदशा र उसमा आएको सशक्तिकरणको बारेमा आफ्नो कलात्मक नृत्यबाट प्रस्तुत गरेकी थिइन् ।

बालबालिकाहरुलाई लकडाउनको बेलामा पनि सक्रिय र व्यस्त बनाउन यस्ता कार्यक्रमले ठूलो सहयोग पुगेको डान्स कोअर्डिनेटर राज श्रेष्ठ बताए ।

र यो पनि…