अखबार नेपाल ट्रेन्डिङ

काठमाडौं: नेपाल बार एसोसिएसनले आज पनि प्रधानन्यायाधीशको राजीनामा माग्दै सर्वोच्च अदालत अगाडि प्रदर्शन सुरु गरेको छ ।

वकिलहरुले सुरक्षा घेरा तोडेदै अदालतको मुल गेटमा धर्न बसिरहेका छन् । आइतबारजस्तै कानून व्यवसायी प्रहरी घेरा तोड्न सफल भएका छन् ।

आन्दोलनलाई लक्षित गरी सर्वोच्च अदालतभित्र र बाहिरको सुरक्षा व्यवस्था कडा पारिएको छ ।

यसैबीच काननु व्यवसायीले जारी राखेको आन्दोलनको रिपोर्टिङ गर्न जाने पत्रकारहरुलाई प्रवेश निषेध गरिएको छ ।

आइतबारसम्म पत्रकारहरु सर्वोच्च परिसरभित्रै प्रवेश गरी रिपोर्टिङ गर्दै आएका थिए । सोमबार भने पास भएका पत्रकारहरुलाई समेत प्रहरीले प्रवेशमा रोक लगाएको छ ।

प्रधानन्यायाधीश जबरा मन्त्रिपरिषद सदस्यको भागबण्डामा मुछिएपछि उनीविरुद्ध नेपाल बार एशोसिएसनको अगुवाइमा कानुन व्यवसायीहरुले कात्तिक १४ गतेदेखि चरणबद्ध आन्दोलन गर्दै आएका छन् ।