ओखलढुंगामा बोलेरो जीप दुर्घटना, ३ जनाको मृत्यु, १४ घाइते
वि.सं.२०७८ कात्तिक २९ सोमवार १०:४६
ओखलढुंगा: सुनकोशी गाउँपालिका-८ च्यानम हुँदै चम्पादेवी ककनी मन्दिर दर्शन गर्न हिँडेको बोलेरो जीप दुर्घटना हुँदा ३ जनाको मत्यु भएको छ भने १४ जना घाइते भएका छन् ।
मन्दिरतर्फ जाँदै गरेको प्रदेश ३-०१-०२२ च ९६९४ नम्बरको जीप दुर्घटनामा परेको जिल्ला प्रहरी कार्यालय ओखलढुंगाले जनाएको छ ।
जीत सुनकोशी गाउँपालिका-९ को जौबारी नजिकैको कुसाङमाभ सडकबाट करीब ६ सय मिटर तल खसेको थियो ।
दुर्घटनामा परी घाइते भएकाको उद्धार गरी उपचारका लागि सामुदायिक अस्पताल सोब्रु पठाइएको छ । गम्भीर घाइतेलाई काठमाडौ लैजान हेलिकोप्टर झिकाइएको प्रहरीले जनाएको छ ।
वि.सं.२०७८ कात्तिक २९ सोमवार १०:४६