अखबार नेपाल ट्रेन्डिङ

काठमाडौं: नेपाल विद्युत प्राधिकरणको कार्यकारी निर्देशकमा कुलमान घिसिङलाई पुनः नियुक्ति गरिएको विरुद्ध मुद्दाको सुनुवाइ आज हुने भएको छ ।

प्राधिकरणका पूर्व कार्यकारी अधिकृत हितेन्द्रदेव शाक्यले दायर गरेको मुद्दा प्रधानन्यायाधीश चोलेन्द्रसमशेर जबराले आफ्नै इजलासमा सुनुवाइ तोकेका छन् ।

सरकारले केही समयअघि हितेन्द्रदेव शाक्यलाई प्राधिकरणको कार्यकारी निर्देशकबाट हटाएर कुलमान घिसिङलाई नियुक्त गरेको थियो ।

शाक्यले आफ्नो कार्यकाल बाँकी भएकोले आफूलाई बीचमै हटाएर सरकारले गरेको नयाँ नियुक्ति बदर गर्दै आफूलाई पुनः त्यही पदमा बहाल गराउन माग गरेका छन् ।

रिट निवेदन इजलासको दोस्रो नम्बरमा परेको छ ।