अखबार नेपाल ट्रेन्डिङ

एजेन्सीः नेपाली राष्ट्रिय क्रिकेट टिमको १७ सदस्यीय टोली आज ओमान प्रस्थान गरेको छन् ।

आईसीसी विश्वकप क्रिकेट लिग–टु अन्तर्गत अमेरिका र ओमानसँगको त्रिकोणात्मक एक दिवसीय क्रिकेट श्रृंखलाका लागि नेपाली टोली त्यसतर्फ लागेको हो ।

नेपाल क्रिकेट संघ (क्यान)को श्रोतले टोली बिहान ८ बजे सलाम एयरबाट ओमान प्रस्थान गरेकाे जनाएको छ ।

ज्ञानेन्द्र मल्लको कप्तानीमा १७ सदस्यीय टोली ओमन प्रस्थान गरेकाे हाे ।

नयाँ खेलाडी बलर गुलशन झा पहिलो पटक राष्ट्रिय टोलीमा परेका छन् ।

नेपाल, ओमान र अमेरिका बिचको त्रिकोणात्मक श्रृंखला यही भदौ २८ देखि असोज ४ गतेसम्म आयोजना हुनेछ ।

यस श्रृखलाको खेल तालिका भने सार्वजनिक भएको छैन ।

श्रृंखला अघि नेपालले पपुवा न्युगिनीसँग दुई एक दिवसीय खेल खेल्नेछ ।

नेपालले पहिलो खेल भदौ २० र दोस्रो खेल भदौ २३ मा खेल्ने क्यानले बताएको छ ।

यस अघि लीग–टु अन्तर्गत नेपालले घरेलु मैदानमा ओमान र अमेरिकासँग ४ वटा खेल खेलिसकेको छ ।

जसमा नेपालले अमेरिकालाई दुई खेलमा हराएको थियो ।

ओमानसँग दुबै खेलमा पराजित भएको छ ।

लीगमा नेपाल ४ खेलबाट ४ अंक जोड्दै छैटौं स्थानमा छ ।

ओमान १० खेलबाट १६ अंकसहित शीर्ष स्थानमा छ ।

नेपाली राष्ट्रिय क्रिकेट टोलीको नयाँ जर्सी पनि सार्वजनिक गरिएको छ ।

यो पनि पढ्नु होस्ः डोनारुम्माले फ्रेन्च लिग वानमा रिम्सविरुद्ध पीएसजीबाट डेब्यु गर्ने