अखबार नेपाल ट्रेन्डिङ

काठमाडौं: उपत्यकामा बिहीबार राति ८ बजेपछि सवारी साधन चलाउन नपाइने भएको छ ।

आज बसेको उपत्यकाका तीन जिल्लाका प्रमुख जिल्ला अधिकारीहरूको बैठकले निषेधाज्ञा भदौ ८ गतेसम्म थप गर्दै राति ८ बजेपछि सबै प्रकारका सवारी साधन चलाउन रोक लगाउने निर्णय गरेको हो ।

अत्यावश्यक सेवाका सवारी भने सञ्चालन गर्न दिइने जिल्ला प्रशासन कार्यालय काठमाडौंकी सूचना अधिकारी कल्पना घिमिरेले बताइन् ।

यसअघि थपिएको निषेधाज्ञा भोलि रातिदेखि सकिँदै थियो । कोरोना महामारी बढेपछि गत वैशाख १६ गतेदेखि काठमाडौं उपत्यकामा निषेधाज्ञा जारी छ ।