अखबार नेपाल ट्रेन्डिङ

काठमाडौं: प्रधानमन्त्री केपी शर्मा ओलीको आह्वानमा सर्वदलीय बैठक बालुवाटारमा सुरु भएको छ ।

सर्वदलीय बैठकमा माओवादी केन्द्र र नेकपा एमालेको माधवकुमार नेपाल र झलनाथ खनाल समूहले बहिष्कार गरेको छ ।

कोभिड-१९ संक्रमणका बारेमा एक मत बनाउन भन्दै ओलीले बैठक बोलाएको भएपनि आफूलाई सूचना नआएको भन्दै प्रचण्ड-नेपाल बैठकमा नगएका हुन् ।

बैठकमा नेपाली कांग्रेसबाट सभापति शेरबहादुर देउवासहित, रामचन्द्र पौडेल, विमलेन्द्र निधि, बालकृष्ण खाँण, जसपाबाट अध्यक्ष महन्थ ठाकुर र लक्ष्मणलाल कर्णसहित सर्बेन्द्रनाथ शुक्ला सहभागी छन् ।

यस्तै नेपाल मजदुर किसान पार्टीका प्रेम सुवाल, संयुक्त जनमोर्चाका हिमालाल पुरि र राष्ट्रिय प्रजातन्त्र पार्टीबाट प्रकाशचन्द्र लोहनी सहभागी छन् ।

बैठकको निम्तो नआएको भन्दै नेकपा माओवादीका अध्यक्ष दाहाल तथा एमाले नेता नेपाल सहभागी नभएको बताइएको छ ।

संसद्को हिउँदे अधिवेशन, कोरोना महामारीको दोस्रो लहरले सिर्जना गरेको समस्यालगायत विषयमा दलहरूको सुझाव लिन बैठक डाकिएको जनाइएको छ  ।