अखबार नेपाल ट्रेन्डिङ

काठमाडौं: देशभर पछिल्लो केही दिनयता कोरोना संक्रमणको दर बढ्दै गएको छ ।

हाल संक्रमण बढेसँगै काठमाडौं, ललितपुरका साथै १४ जिल्ला अति प्रभावित भएको स्वास्थ्य मन्त्रालयले जनाएको छ ।

संक्रमणको दर काठमाडौंमा पनि उच्च देखिएको छ ।

एक महिनासम्म शुन्य सक्रिय कोरोना संक्रमित रहेको काठमाडौं महानगरपालिकामा फेरि संक्रमणको संख्यमा ह्वात्तै वृद्धि भएको छ ।

काठमाडौं महानगरपालिका शहरी स्वास्थ्य विभागका अनुसार हाल महानगरमा ५६० जना सक्रिय कोरोना संक्रमित रहेका छन् ।

भारतबाट घर फर्किएकामा पनि देखियो कोरोना संक्रमण

डोटीमा रोजगारी गरी भारतबाट घर फर्किएका ५९ जनामा कोरोना संक्रमण पुष्टि भएको छ ।

प्रदेश स्वास्थ्य निर्देशनालय दिपायल राजपुरका अनुसार गौरीफन्टा नाका हुँदै नेपाल फर्किएका कम्तीमा पनि एक हजार ४५ जनामध्ये ४ सय ७५ को एन्टिजेन परीक्षण गर्दा ५९ जनामा कोरोना संक्रमण पुष्टि भएको हो ।

पछिल्लो समय भारतबाट रोजगारी गरी घर फर्किएका सुदूरपश्चिम प्रदेशका नागरिकमा कोरोना संक्रमण बढ्ने क्रम देखिएको छ ।

स्थानीय तहले भारतबाट घर फर्किएका नागरिकलाई राख्नका लागि क्वारेन्टिनसमेत निर्माण नगरेकाले उनीहरु सिधै आ–आफ्ना घर जान थालेको बताइएको छ ।

नागरिक सिधै गाउँ पस्न थालेका कारण यहाँका गाउँघरमा कोरोना संक्रमण बढ्दै जाने तथा पछि गएर कोरोनाले महामारीको रुप लिन सक्नेभन्दा यहाँका गाउँघरमा रहेका नागरिकमा त्रास उत्पन्न हुन थालेको हो ।

बालुवाटारमा सर्वदलीय बैठक जारी, बैठकमा प्रचण्ड-नेपाल समूहसँगै बाबुराम-उपेन्द्र पनि अनुपस्थित