अखबार नेपाल ट्रेन्डिङ

महोत्तरीः बर्दिबासमा ६ वर्षीया बालिका गुलाब खातुनको बलात्कारपछि हत्या गरेको विरुद्धमा बिहानैदेखि स्थानीयले बर्दिबास बजार तथा पूर्व पश्चिम राजमार्ग बन्द गर्दै प्रदर्शन गरेका छन् ।

प्रहरी प्रशासनले हिजो साँझ खुलाएको राजमार्ग तथा बजार आज बिहानदेखि पुनः प्रहरीको गोली लागि मृत्यु भएको संजय न्यौपानेको घटना स्थानीय बासिन्दाले कडा प्रदर्शन गरिरहेका छन् । मंगलबार दिउँसो प्रदर्शनको क्रममा प्रहरीले चलाएको गोली लागेर गम्भीर घाइते भएका स्थानीय सञ्जय न्यौपानेको गएराती उपचारको क्रममा मृत्यु भएको छ ।

प्रदर्शनकारीले गरेको राजमार्ग अवरुद्धका कारण बर्दिबासको पूर्व पश्चिम चल्ने यातायातका साधनहरु रोकिएका छन् भने यात्रुहरु अलपत्र परेका छन् । प्रदर्शन रोक्न तथा राजमार्ग खोलाउन स्थानीय प्रशासनले बर्दिबासमा आज बिहान ९ बजेदेखि बिहीबार बिहान ६ बजेसम्मका लागि निषेधाज्ञा जारी गरेको छ । तर, निषेधाज्ञालाई तोड्दै स्थानीयहरु राजमार्गमा प्रदर्शन गरेका कारण सवारी अवागमनमा अवरोध भएको हो ।

ढुंगामुढा नियन्त्रणको क्रममा घाइते भएका बर्दिबास नगरपालिका-५ बस्ने २६ वर्षीय श्याम कार्कीको नेपाल मेडिकल कलेज काठमाडौं ल्याई उपचार भइरहेको छ भने १ जना स्थानीय घाइते सामान्य उपचार पश्चात् डिस्चार्ज भएका छन् । भीडले ढुङ्गामुढा गर्दा नेपाल प्रहरीतर्फ प्रहरी नायव उपरीक्षक ९डीएसपी० सहित १४ जना र सशस्त्र प्रहरी बल नेपालतर्फ ३ जना गरी १७ जना प्रहरी कर्मचारी समेत घाइते भएका थिए ।

आइतबार साँझादेखि बेपत्ता भएकी गुलाब खातुनको बलात्कार पश्चात् हत्या गरिएको अवस्थामा सोमबार मध्यराति शव बोरामा कोचेर फालेको अवस्थामा फेला परेपछि मंगलबार बिहानदेखि स्थानीयहरु प्रदर्शनमा उत्रेका छन् ।

प्रहरीको गोली लागि मृत्यु भएका बर्दिबास नगरपालिका–१ का सञ्जय न्यौपानेको मृत्यु भएपछि स्थानीय झनै आक्रोशित बनेका छन् । न्यौपानेलाई सहिद घोषणा गर्नुपर्ने, क्षतिपुर्ति दिनुपर्ने, दोषी प्रहरीलाई कारबाही गर्नुपर्ने लगायतका माग स्थानीयले गरेका छन् ।

यो पनि पढ्नुहोस् :

https://www.akhabarnepal.com/2020/11/19495/