अखबार नेपाल ट्रेन्डिङ

काठमाडौं: हिजो बुधबार प्रधानमन्त्री केपी शर्मा ओलीले ११औं पटक मन्त्रीमण्डल पुर्नगठन गरे ।

पुर्नगठनमा उपप्रधान तथा रक्षामन्त्री रहेका ईश्वर पोखरेललाई प्रधानमन्त्री तथा मन्त्रीपरिषदको कार्यालयको जिम्मा दिईएको छ ।

केही नयाँ र केहीको हेरफेर गरिएको पुर्नगठनमा पोखरेलले सहमति जनाएको कुरा बाहिर आएपनि खासमा त्यस्तो नभएको बताईन्छ ।

मन्त्रीमण्डल पुर्नगठन भएको समयमा पोखरेल बालुवाटारमै रहेको प्रतिक्रियया दिएका थिए । तर राति उनले गरेको ट्वीटले बिहान एकाएक सन्नाटा छायो ।

उनले टिवटमा लेखेका छन् -विकसित परिस्थिति र घटना प्रसंगका सम्बन्धमा मानिसहरुका बुझाई, विश्लेषण र अभिव्यक्ति टिप्पणी हेर्दै बुझ्ने कोशिस गर्दै! ।

उनलाई प्रधानमन्त्री तथा मन्त्रीपरिषदको कार्यालय हेर्ने गरी जिम्मेवारी दिएपछि सामाजिक सञ्जालदेखि समाचारहरुमा उनलाई घटुवा गरिएको बताईएको छ भने अर्कोतिर उनलाई झन शक्तिशाली बनाईएको बताईएको छ ।

तर, जे जस्तो भएपनि एउटा मन्त्रालयको प्रमुख भएर चलाईराखेका व्यक्तिलाई बिना बिभागीय बनाउँदाखेरी यस्तो समस्या आएको हो । उनले ट्वीट मार्फत सायद त्यही जानकारी गराउन चाहेका हुन ।

उता, मन्त्रीमण्डल पुर्नगठन गर्ने बेला प्रधानमन्त्री ओलीले पोखरेल जे भन्दा नि मान्ने र गर्ने भएकोले उनलाई प्रधानमन्त्री तथा मन्त्रीपरिषदको कार्यालय दिने बचन दिएका थिए ।

सोही अनुरुप पोखरेललाई उक्त जिम्मेवारी दिईएको बालुवाटार श्रोतले जनाएको छ ।

अर्को भनेको योपटक पोखरेललाई हटाउने मनस्थितिमा रहेका प्रधानमन्त्री ओलीले राष्ट्रपति विद्यादेवी भण्डारीले नमानेका कारण विना विभागीयमा अल्झाएको चर्चा पनि चलेको छ ।