अखबार नेपाल ट्रेन्डिङ

धनकुटा : बलात्कार र बलात्कारपछि हत्याको घटना सुन्दा सुन्दा वाक्क भएको यो समयमा बलात्कार गर्न आउनेलाई खुकुरीले छप्काएको खबर भर्खरै बाहिर आएको छ । घटना धनकुटाको महालक्ष्मी नगरपालिका–१ मारेककटहरेको हो ।

मारेककटहहरेको घुमाउँनेकी ३० बर्षीया कमला गुरुङले स्थानीय लीलबहादुर गुरुङको खुकुरी प्रहार गरी हत्या गरेकी छिन् ।

लीलबहादुरले बलात्कार प्रयास गरेपछि महिलाले प्रतिकारका रुपमा खुकुरी प्रहार गर्दा मृत्यु भएको धनकुटाका प्रहरी प्रमुख एवं प्रहरी उपरीक्षक गोबिन्द अधिकारीले जानकारी दिएका छन् ।

घटना बिवरण अनुसार ‘राती ढोका फुटाएर आफूमाथि बलात्कार प्रयास गरेपछि खुकुरी प्रहार गरेको महिलाले बयान दिएकी छन् ।

खुकुरी प्रहारपछि मृत्यु भएका लीलबहादुरको शवलाई पोष्टमार्टमका लागि जिल्ला अस्पताल लगिएको छ ।प्रहरीले यस विषयमा थप अनुसन्धान गर्नका लागि महिलालाई पनि नियन्त्रणमा लिईएको प्रहरीले बताएको छ ।

स्थानीयका अनुसार मंगलबार राती करिब १० बजे लीलबहादुर कमलाको घरमा ढोका ढकढक्याउदै खोल्न आग्रह गरे । ढोका नखोलेपछि लीलबहादुरले बाहिरैबाट ठेलेर भित्र पसेर कमलामाथि बलात्कार प्रयास गरे ।

सोही क्रममा खुकुरी भेटेर हानेको कमलाले बयान दिएका छन् । खुकुरी प्रहारपछि लीलबहादुर भागेका थिए । टाउकोमा गंभीर चोट लागेका उनको बुधबार बिहान स्थानीय लाहुरे खोल्सीमा शव फेला परेको थियो ।