अखबार नेपाल ट्रेन्डिङ

काठमाडाैं: करिब ३ सय बर्ष लामो इतिहास बोकेको इन्द्रजात्रा पहिलो पटक स्थगित भएको छ ।

२०६५ सालमा राज्यले गर्दै आएको सहयोग कटौती गरेको भन्दै अन्तिम पटकको यात्रा स्थगित गरेपनि पुर्ण रुपमा जात्रा नै स्थगित भएको यो पहिलो पटक हो ।

भगवान इन्द्र आफ्नी आमाको तिलाव्रतलाई आवस्यक पर्ने पारिजातको फूल टिप्न मत्यलोक अर्थात पृथ्वी आएका र फूल चोरेर लैजादै गर्दा इन्द्र समातेर काष्ठमण्डप छेउमा बाँधेर राखेका थिए । पछि उनी स्वर्गका राजा इन्द्र भएको थाहा पाएपछि ससम्मान जात्रा गरी स्वर्ग फर्काएको किम्वदन्ति संग जोडिएको र त्यहिबाट इन्द्र जात्राको सुरुवात भएको मानिन्छ ।

उपत्यकामा,कुमारीको जात्रा चलीरहेको बेला देवराज इन्द्र मर्त्य लोकमा रहेको र उनलाई समेत जात्रा गरेर पठाएपछि इन्द्र जात्रा र कुमारीको रथयात्रासँगै सुरु भएको मानिन्छ ।

३ सय बर्ष लामो इतिहास बोकेको इन्द्रजात्रा भाद्र शुक्ल द्वितीयाका दिन तान्त्रिक विधिसहित पूजा गरी काभ्रेको नालास्थित जङ्गलमा छाडिएको बोकाले छोएको रूख काट्ने र उक्त रुखलाई साइत हेरे काठमाडौं भित्र्याउने गरीन्छ ।

यसरी तयार गरिएको लिङ्गो ठड्याउने गरिन्छ । यता कुमारी सहित गणेश र भैरवलाई रथरोहण गरेर रथ ३ पटक सम्म घुमाउने प्रचलन रहेकाे छ ।

तर ३ सय बर्षको इतिहासमा पहिलो पटक विश्वब्यापी फैलिएको कोरोना महामारीका कारण यो बर्ष जात्रा स्थगित भएको छ ।

इन्द्र जात्राका दिन राष्ट्रप्रमुखले कुमारीको दर्शन गर्ने परम्परा रहेपनि कोरोनाका कारण यो बर्ष सम्भव भएन । यसरी जात्रा नै स्थगित गर्नु परेपछि आयोजकले क्षमा पुजा गर्ने योजना रहेको बताएको छ ।