अखबार नेपाल ट्रेन्डिङ

काठमाडौं : सिन्धुपाल्चोकको जम्बु बजारमा गएरातिबाट परेको वर्षाका कारण बाढी पहिरोले अरनिको राजमार्ग अवरुद्ध भएपछि उद्धार कार्यमा समस्या भएको छ ।

बाढी पहिरोमा परि २३ वर्षीय निकेश बस्नेत र उनकी २ वर्षीय छोरीको मृत्यु भएको छ । गएराति साँढे सात बजेबाट आएको बाढीले सडक अवरुद्ध हुँदा उद्धारमा समस्या परेको छ । मौसम खराबीको कारण उद्धारका लागि घटनास्थलमा हेलिकोप्टर पुग्न सकेको छैन ।

अरनिको राजमार्गमा रहेको ड्यामसाइडस्थित जुरे पहिरोको मुखमा भोटेकोसी नदीले कटान गर्दा आवतजावत रोकिएको छ । आवतजावत रोकिँदा सदरमुकाम तथा राजधानीबाट उद्धारको टोली घटनास्थल पुग्न सकेका छैनन् । राजमार्गको नयाँपुल भन्ने ठाउँमा सडक अवरुद्ध भएकाले सीमा प्रहरी चौकी तथा सशश्त्र प्रहरी बल सीमा सुरक्षा पोष्ट तातोपानीको टोली समेत घटनास्थल पुग्न नसक्दा घाइते, मृतक र बेपत्ताको उद्धारमा थप कठिन भएको प्रहरीले जनाएको छ ।

बाढीले मध्यभोटेकोशी जलविद्युत आयोजनामा पनि क्षति पुगेको छ भने त्यसै आयोनाका चिनियाँ ठेकेदार एक जना वेपत्ता भएको हाम्रा संवाददाताले जनाएको छ । घटना थप विवरण आउँन बाँकी ।