अखबार नेपाल ट्रेन्डिङ

काठमाडौं: नेपाल कम्युनिष्ट पार्टी (नेकपा)को स्थायी कमिटी बैठक स्थगित भएको छ ।

पार्टीभित्रको विवादका कारण बिहान ११ बजेका लागि बोलाइएको बैठक शुक्रबारसम्मका लागि सरेका हो । नेकपाभित्र चर्किएको विवादका कारण बैठक लगातार चार पटकसम्म स्थगित भएको छ । गत बुधबार र बिहीबारको बैठकमा प्रधानमन्त्रीको राजीनामा माग भएको थियो ।

नेकपा अध्यक्षद्वयबीच विवाद समाधानका लागि छलफल चलिरहेको छ । उनीहरू केही दिनयता नियमित छलफलमा छन् । सहमतिका लागि अध्यक्षद्वय केपी शर्मा ओली र पुष्पकमल दाहालबीच पटकपटक छलफल भएपनि निकास निस्कन सकेको छैन ।

पार्टीभित्र संकट गहिरिएसँगै गत शुक्रबार पनि थप आन्तरिक छलफल गर्नेगरी बिहीबारको स्थायी कमिटी बैठक एक दिनका लागि स्थगित गरिएको थियो । स्थायी कमिटी बैठकमा बोल्ने अधिकांश सदस्यहरुले प्रधानमन्त्री एवं पार्टी अध्यक्ष केपी शर्मा ओलीले दुवै पदबाट राजीनामा दिनुपर्ने माग गरेपछि बैठक स्थगित हुँदै आएको छ ।