अखबार नेपाल ट्रेन्डिङ

काठमाडौं: प्रधानमन्त्री निवास बालुवाटारमा आज बसेको मन्त्रि परिषद्को बैठकले चालु संसद्को अधिवेशन अन्त्य गर्ने निर्णय गरेको छ । निर्णयसहित आजै साँझ पाँच बजेदेखि अधिवेशन अन्त्य भएको औपचारिक घोषणाका लागि राष्ट्रपति समक्ष सिफारिस पठाउने निर्णय गरेको कानुन मन्त्री शिवमायामा तुम्बाहाङ्फेले जानकारी दिइन् ।

मन्त्रिपरिषद् बैठक बस्नुअघि आज बिहान प्रधानमन्त्री केपी शर्मा ओली र राष्ट्रपति विद्यादेवी भण्डारीबीच शितलनिवासमा भेटवार्ता भएको थियो । राष्ट्रपतिसँगको भेटपछि प्रधानमन्त्रीले बालुवाटारमा मन्त्रिपरिषद् बैठक बोलाएका थिए । प्रधानमन्त्रीभ ओलीले संसद अधिवेशन अन्त्य गरेर आफू अनुकुलको कदम चाल्नथ खोजेको र सरकारको यो निर्णयले पार्टीभित्रको विवादलाई थप जटिल बनाएको नेताहरुको भनाई छ ।

ओलीको यो कदमपछि थप रणनीतिका लागि अध्यक्ष पुष्पकमल दाहाल, वरिष्ठ नेता झलनाथ खनाल, माधवकुमार नेपाल र उपाध्यक्ष वामदेव गौतम आकस्मिक परामर्शमा जुटेको श्रोतले जानकारि दिएको छ ।