अखबार नेपाल ट्रेन्डिङ

काठमाडौं: नेपाली खेलकुद जगतका मार्सल आर्ट विधाका खेलाडी बिरमान वाइवाको आईतबार बिहान आफ्नै निजि निवासमा निधन भएको छ । शनिबार बेलुकी खाना खाएर सामान्य अवस्थामा सुतेका वाईवा विहान ढिलो समयसम्म नउठेपछि परिवारले उठाउन जाँदा मृत अवस्थामा भेटिएको परिवार स्रोतले जनाएको छ ।

काभ्रे जिल्लामा जन्मेका वाइवा गत वर्ष इन्डोनेसियामा सम्पन्न १८औं एसियन गेम्स उसु खेलमा संसौं (फाईट) विधाबाट ६५ केजी समुहको तौलमा प्रतिस्पर्धा गरेका थिए । अत्यन्तै मिलनसार, सहयोगी भावना र खेलप्रति समर्पित वाइवालाई नेपाली खेलकुदले सदाका लगि गुमाएको छ ।

वाइवा विभागीय टोली त्रिभुवन आर्मी क्लबमा आबद्ध थिए । उसु खेलबाट राष्ट्रिय खेलाडी हुनुभन्दा पहिला क्योकुसिन (फुलकन्ट्याक्ट) करातेका खेलाडी थिए । क्योकुसिन करातेबाट वाइवा धेरै पटक राष्ट्रिय च्याम्पियन भई देशलाई पदक दिलाउन सफल रहेका थिए ।