अखबार नेपाल ट्रेन्डिङ

काठमाडौं: आनी छोईङ डोल्मा फाउण्डेसन तथा प्रारम्भ सामाजिक संस्थाले नेपाल रेडक्रसलाई स्वास्थ्य सामग्री हस्तान्तरण गरेको छ । कोराना संक्रमण देशैभर फैलिरहेका बेला आनी छोईङ डोल्मा फाउण्डेसन तथा प्रारम्भ सामाजिक संस्थाले विभिन्न चरणमा आवश्यक स्वास्थ्य सामग्री तथा राहत विरतण गर्दै आईरहेको छ ।

हस्तारण गरिएको स्वास्थ्य सामाग्रीमा ६० हजार सर्जिकल मास्क, १० हजार एन नाइन्टिफाइभ मास्क तथा २५ सय थान पिपिई रहेको छ । कोरोनाविरुद्ध अग्रपंक्तिमा बसेर काम गर्ने स्वास्थ्यकर्मी र एम्बुलेस चालक लगायतका व्यक्तिहरुको व्यक्तिगत सुरक्षाका लागि स्वास्थ्य सामाग्री हस्तान्तरण गरिएको आनी छोइङ्ग डोल्मा फाउण्डेसनकी अध्यक्ष आनी छोईङ डोल्माले बताइन् ।

स्वास्थ्य क्षेत्रमा खटिएका जनशक्तिलाई कोरोना संक्रमणबाट बचाउन सिंगापुर रेडक्रसबाट प्राप्त स्वास्थ्य समाग्री नेपाल रेडक्रसलाई हस्तान्तरण गरिएको प्रारम्भ सामाजिक संस्थाका सल्लाहकार हरिबंश आचार्य बताए ।