अखबार नेपाल ट्रेन्डिङ

काठमाडौं: शनिबार नेपाल भित्रिएको सलह किरा फट्यांग्राकै एक प्रजतिका रुपमा रहेको र यसले एकसाथ ठूलो संख्यामा बसेर बालीसहित बोट नै खाने गर्दछ । नेपाल भित्रिएको सलह किराले तरकारी बाली खान थालेका छन् ।

सर्लाहीको तेलबाली अनुसन्धान कार्यक्रम प्रमुख वीपी यादवले नवलपुरमा हजारौंको संख्यामा सलहको ठूलो झुन्ड रहेको र बदम र धानको बोटहरु खान थालेको जनाए त्यस्तै बाराको कृषि ज्ञान केन्द्र प्रमुख जितेन्द्र यादवले पानी परिरहेको बेला सलह किरा नेपाल भित्रिएको र पानी रोकिएपछि त्यहाँ पनि तरकारी बाली खान थालेको जानकारि दिए ।

बाराको निजगढ र सिमारामा पनि सलह किरा आएको कृषि तथा पशुपन्छी विकास मन्त्रालयले जनाएको छ दुवै जिल्लामा प्राविधिक सहितको टोली परिचालन भइसकेको मन्त्रालयका प्रवक्ता सहसचिव डा। हरिबहादुर केसीले जानकारी दिए ।