अखबार नेपाल ट्रेन्डिङ

काठमाडौं: नेत्रविक्रम चन्द ‘विप्लव’ नेतृत्वको नकेपाले स्थानीय तहको चुनाव सार्न सरकारसँग माग गरेको छ ।

आज नेकपाका स्थायी समिति सदस्य एवं प्रवक्ता खड्गबहादुर विश्वकर्मा ‘प्रकाण्ड’ले  गृहमन्त्री बालकृष्ण खाँडलाई भेटी आफूहरु पनि निर्वाचनमा सहभागी हुन चाहेकोले स्थानीय तहको निर्वाचन सार्न आग्रह गरेको हो ।

गृहमन्त्रीसँगको भेटमा प्रकाण्डले वैशाख ३० को निर्वाचन सार्न आग्रह गरेका हुन । विप्लव माओवादीले सरकारले निर्वाचन मिति घोषणा गरेर आफूहरुसँग गरेको तीन बुँदे सहमतिको उल्लघंन गरेको आरोप लगाएको छ ।

चुनाव भनेको राष्ट्रिय कायर्कक्रम भएकोले सरकारले आफूहरुसँग गरेको सहमति कार्यान्वयन गर्नुपर्ने माग राखेको छ ।

जबरजस्ती निर्वाचन गरिए शान्ति प्रक्रिया  भाँडिने चेतावनी समेत नेकपाले दिएको छ । नेकपाले बन्दीहरुलाई तत्काल रिहाइ गर्नुपर्ने र आफूहरुविरुद्ध लगाइएका सबै प्रकारका मुद्दाहरु खारेज हुनुपर्ने माग सरकासँग गर्दै आएको छ ।

आफ्ना माग सम्बोधन गरेर निर्वाचन कार्यक्रम अगाडी बढाउन समेत चन्द नेतृत्वको नेपाले सरकारसँग आग्रह गरेको छ ।