अखबार नेपाल ट्रेन्डिङ

काठमाडौं : झन्डै दुई सातादेखि पूर्णरुपमा सिल भएको महानगरीय ट्राफिक प्रहरी महाशाखाको सिल हटेको छ ।

दुई साताअघि दुई जना प्रहरीमा कोरोना संक्रमण देखिएपछि महाशाखा पूर्णरुपमा सिल गरिएको थियो।

महाशाखामा कार्यरत करिब ३ सय प्रहरीलाई क्वारेन्टाइनमा राखेर सबैको परीक्षणपछि सुरक्षित तरिकाले काम सुरु भइसकेको महाशाखाका एसएसपी भीम ढकालले जानकारी दिए।

सुरुमा संक्रमण देखिएका प्रहरीको कन्ट्र्याक्ट ट्रेसिङमा १७ जनामा कोरोना देखिएको थियो। हाल १५ जनाको अस्पतालमा उपचारको भईरहेको छ भने दुई जना उपचारपछि फर्किसकेका छन् ।

उपत्यकाभित्र कार्यरत १ हजार ५ सय ४५ ट्राफिक प्रहरी मध्य ३ सयभन्दा बढी क्वारेन्टाइनमा भएपछि ट्रफिक व्यवस्थापनमा केही अहसज भएको थियो ।

सडकमा खटिने प्रहरीलाई अनिवार्य मास्क, पञ्जा, फेस भाइजर लगायत संक्रमणबाट जोगिने उपकरण प्रयोग गर्न निर्देशन दिइएको ढकालले जानकारी दिए।