अखबार नेपाल ट्रेन्डिङ

काठमाडौं: नेपालमा पछिल्लो २४ घण्टामा ११ हजार ३ सय ५२ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालय जनाएको छ ।

मन्त्रालयका अनुसार देशभरका विभिन्न प्रयोगशालामा गरिएको १८ हजार ८८ जनाको पीसीआर परीक्षणमा ९ हजार ५ सय २ र ५ हजार ३ सय ३१ जनाको एन्टिजेन विधिबाट गरिएको परीक्षणमा १ हजार ८ सय ५० जनामा कोरोना पुष्टि भएको जनाएको छ ।

पछिल्लो २४ घण्टामा कोरोना संक्रमणबाट ४ जना मृत्यु भएको मन्त्रालयले जनाएको छ ।

सोही अवधिमा मुलुकका विभिन्न अस्पतालबाट ६ सय १३ जना कोरोना संक्रमणमुक्त भएको मन्त्रालयले जानकारी दिएको छ ।